«El-shejire» qoǵamdyq qory 2017 jyldyń 26 qazanynda Almaty qalasy Din isteri jónindegi basqarmasynyń memlekettik áleýmettik tapsyrysy aıasynda Qazaqstan Respýblıkasy Ulttyq kitaphanasynyń Akt zalynda  tańǵy saǵat 11-de «Halyq murasy» atty án, kúı, jyr keshin ótkizedi,- dep habarlaıdy Qamshy.kz aqparat agenttigi.

Konsertke Ramazan Stamǵazıev, Rymkesh Jumadilova, Erkin Shúkimanov, Uljan Baıbosynova, Ardaq Isataeva, Jolaman Qujımanov, Murat Abýǵazy, Amankeldi Kúzeýbaı, Órken Dúısen, Sholpan Darjanova, Aıgerim Qaramenova jáne taǵy basqa óner qaıratkerleri, Qurmanǵazy atyndaǵy Qazaq ulttyq konservatorıasy Halyq mýzykasy fakúltetiniń stýdentteri qatysyp, qazaqtyń dástúrli ánderin ulttyq mýzykalyq aspaptarmen – dombyramen, qobyzben, sybyzǵymen, shertermen oryndaıdy.  

Konserttiń maqsaty – qaladaǵy ártúrli jamaǵat ókilderine, ıslam dinine bet buryp jatqan jastarǵa, shahar turǵyndaryna ata-babalarymyzdan qalǵan rýhanı murany dástúrli ánder arqyly nasıhattaý. 

İs-sharaǵa Almaty qalasynyń zıaly qaýymy, ártúrli dinı jamaǵat músheleri, qoǵam qaıratkerleri, jastar uıymdary, ÚEU jáne BAQ ókilderi qatysady. Kesh sońynda qonaqtarǵa arnap kofe-breık uıymdastyrylady.

Saltanatty is-sharanyń esigi kez kelgen ónersúıer qaýymǵa ashyq.