Memleket basshysy Nursultan Nazarbaev Sı Szınpınge Qytaı Komýnıstik partıasy Ortalyq Komıtetiniń Bas hatshysy qyzmetine qaıta saılanýyna baılanysty quttyqtaý jedelhatyn joldady,- dep Qamshy.kz aqparat agenttigi Aqorda saıtyna silteme bere otyryp jazady.
Nursultan Nazarbaev Sı Szınpındi Qytaı Komýnıstik partıasy Ortalyq Komıtetiniń Bas hatshysy qyzmetine qaıta saılanýymen quttyqtady.
«Sizdiń basshylyǵyńyzben Qytaı Komýnıstik partıasy eldiń áleýmettik-ekonomıkalyq damýyn qamtamasyz etý jáne halyqtyń ál-aýqatyn jaqsartý barysynda eleýli jetistikterge jetti.
Sizge dostas Qytaı memleketiniń halyqaralyq bedeli men áleýmettik-ekonomıkalyq qýatyn arttyrý jolyndaǵy damylsyz ári jasampaz eńbegińizge sáttilik tileımin.
Qazaqstan men Qytaı arasyndaǵy jan-jaqty strategıalyq qarym-qatynastar aldaǵy ýaqytta da qarqyndy damıtynyna, sondaı-aq halyqtarymyzdyń dostyǵy nyǵaıa túsetinine senim bildiremin», – delingen jedelhatta.
Sońynda Qazaqstan Prezıdenti Nursultan Nazarbaev Sı Szınpınge zor densaýlyq pen amandyq tilep, dostas Qytaı halqynyń ósip-órkendeı berýine nıettestigin bildirdi.
