25-shy qazanda Almatyda Qazaqstan Respýblıkasy Tuńǵysh Prezıdenti - Elbasy Qorynyń uıymdastyrýymen Shyǵarmashyl jastardyń «JasSTAR» VIII halyqaralyq festıvali óz jumysyn bastaıdy. Mazmundy sheberlik sabaqtary, leksıalar jáne shyǵarmashylyq kezdesýlerdiń arqasynda Qazaqstannyń, Kanadanyń, Vengrıanyń, Reseıdiń jáne Fransıanyń belgili mádenıet jáne óner qaıratkerleri elimizdiń keleshekti jastarymen óz tájirıbesimen jáne bilimderimen bólisedi. Festıvál Memleket basshysynyń «Rýhanı jańǵyrý» baǵdarlamasynyń aıasynda ótedi dep jazady Qamshy.kz aqparat agenttigi N. Nazarbaev Qorynyń Baspsóz qyzmetine silteme jasap.
«JasSTAR» festıvali – shyǵamashylyq mamandyqty tańdaǵan stýdentter jáne belsendi jastar úshin bilim beretin iri mádenı oqıǵa. Segiz jyldan beri N. Nazarbaev Qorynyń jobasy mádenıet jáne óner qaıratkerleriniń Qazaqstannyń kelekshekti shyǵarmashyl jastarymen ózara is-áreket etýge jáne tájirıbe almasýǵa arnalǵan biregeı alańyna aınaldy.
- Memleket Basshysy óziniń «Bolashaqqa baǵdar: Rýhanı jańǵyrý» baǵdarlamalyq maqalasynda «rýhanı jańǵyrýdyń alǵy sharty - óz mádenıetimizdi, ózimizidiń ulttyq kodymyzdy saqtap qalý» dep atap ótti. «JasSTAR» festıvaliniń tujyrymdamasy týraly aıtatyn bolsaq, ol mynadaı prınsıpterge negizdelgen: mádenı dástúrlerdi, ulttyq birgeılikti saqtaý, bilimge degen qulshynys, sananyń ashyqtyǵy jáne álemdik mádenıetti qabyldaýǵa daıyn bolý, - dep atap ótti Qordyń Almaty qalasyndaǵy ókildiginiń dırektory Sergeı Tohtarov.
Festıvál jastardyń shyǵarmashylyq bastamalaryn qoldaýǵa baǵyttalǵan. Onyń basty maqsaty –jastar arasynda mádenıettiń damýyna yqpal etý, sondaı-aq jas jáne daryndy mádenıet qaıratkerlerine shyǵarmashylyq jaǵynan ósip - órkendeýine kómek kórsetý.
Festıvál jas sýretshilerdiń «Bolashaqqa kózqaras» atty kórmesiniń ashylýymen bastalady. Kórmege Qazaqstannyń barlyq óńirlerinen kelgen avtorlardyń eńbekteri usynylady. Festıváldiń arqasynda stanoktik kórkem sýret, portret jáne peızaj janrlaryn qalaıtyndarǵa Reseıdiń, Ýkraınanyń, Qyrǵyzstannyń jáne Ózbekstannyń jas sýretshilerimen kezdesýge múmkindik bolady.
Festıváldiń baǵdarlamasyna dástir boıynsha kıno, horeografıa óneri, teatr, múltıplıkasıa, mýzyka, kórkem sýret týraly qyzyqty sheberlik sabaqtary men leksıalar engizilgen. QR Sýretshiler odaǵynyń múshesi Ǵanı Baıanov, «Jigitter» tanymal kvartetine qatysýshylar, Instagram-daǵy belgili vaınerler, «Bezýmnaıa jenshına» jáne «Shako» beınesimen áleýmettik jelige jazylǵandarǵa tanymal Nurlan Batyrov jáne Shárip Serik, Kanadadan kelgen art-menedjment boıynsha jattyqtyrýshy Lıdıa Varbanova ónerdegi sıfrlyq tehnologıalar týraly leksıalar jáne jáne trenıńter ótkizedi, Vengr Opera teatrynyń juldyzy Álı Tanyqpaeva, QR tuńǵysh Prezıdentinń rólin oınaǵan Berik Aıtjanov, kınorejısser, S. Gerasımov atyndaǵy BMKI sheberhanasynyń basshysy Aleksandr Kott ózderiniń shyǵarmashylyǵy jáne mamandyǵynyń qupıalary týraly bólisedi.
Sondaı-aq festıválde Qazaqstan anımasıasynyń 50 jyldyǵyna arnalǵan otandyq múltfılmder kórsetiledi jáne «Zamanýı jastar kınosynyń baǵdary, kórkemdik deńgeıi jáne jańa úrdistegi problemalary» atty dóńgelek ústel ótkiziledi.
Festıvál Jak Offenbahtyń «Parıj ómiri» operettasymen aıaqtalady, ony ataqty fransýz dırıjeri Fılıpp Iýı-men júrgizgen jumystarynyń nátıjesi retinde Qurmanǵazy atyndaǵy Qazaq ulttyq konservatorıasynyń stýdentteri oryndaıdy.
