26-28 qazan aralyǵyna arnalǵan aýa raıy boljamyn Qamshy.kz aqparat agenttigi Qazgıdromettiń málimetine súıenip habarlaıdy.

Respýblıkanyń soltústik aımaqtarynda qardyń jáne borannyń paıda bolýyna ákelgen sıklon Batys Sibirdiń ońtústigine qaraı aýysty. Onyń ornyna Qazaqstan aýmaǵynda óz qozǵalysyn bastaǵan, jaýyn-shashynnyń qysqa merzimdi toqtaýyna jáne temperatýranyń tómendeýine ákep soqtyrǵan antısıklon almasty.

Óz kezeginde, Qara teńizdiń ústinde soltústik-shyǵys baǵytta qozǵalatyn taǵy bir sıklon paıda boldy. Kezeńniń sońynda bul sıklon batysta, sodan keıin respýblıkanyń ortalyǵynda jáne soltústiginde jańbyr men ylǵaldy qar túrinde bolyp, kúshti jel men jaýyn-shashyn týǵyzady. Qazaqstan arqyly soltústik-shyǵys baǵytynda jyljı otyryp, sıklon jaýyn-shashynnan basqa, Iran aýdandarynan jyly aýa ákeledi, bul temperatýranyń kezekti kóterilýine sebep bolady.