Astanada 25 qazanda jańadan qurylǵan "Qazaqstan Medıa Alánsy" qoǵamdyq birlestiginiń alǵashqy quryltaı jıyny ótti. Bul jıynda Armanjan Baıtasov “Qazaqstan Medıa Alánsynyń" basqarma tóraǵasy bolyp saılandy. Birlestik bıyl qazannyń basynda resmı túrde tirkelgen edi.

Jıynda qoǵamdyq birlestikti qurastyrýshylardyń biri Armanjan Baıtasov BAQ, baspasóz, medıa-menedjer qyzmetkerleriniń jańa kásibı uıymy medıa-qoǵamdastyq jáne PR salasynyń ókilderin, mádenıet, bilim jáne saıasat qyzmetkerlerin biriktirýge jumys isteıtinin aıtty,-dep Qamshy.kz aqparat agenttigi Azattyq saıtyna súıene otyryp jazady.

Quryltaıshylarynyń aıtýynsha, "Qazaqstan Medıa Aláns" jýrnalıs bostandyǵy men quqyǵyn jáne BAQ táýelsizdigin qorǵaý, Qazaqstan jýrnalıserin áleýmettik qorǵaýdy, sheteldegi jýrnalıser men BAQ-tyń qoǵamdyq birlestikterimen halyqaralyq baılanysty damytý úshin qurylǵan. Uıym buǵan qosa medıa-qoǵamdastyq qyzmetin retteıtin quqyqtyq-normatıvti aktilerdi daıarlaýǵa qatyspaq.

Qazaqstan medıa alánsynyń quramyna Qazaqstannyń BAQ, PR basshylary, belgili jýrnalıser men blogerler, medıabıznes, jarnama jáne baspasóz salasynyń ókilderi kirgen. Olardyń ishine: Batyr Qazybaev, Erlan Bekhojın, Erlan Karın, Shamshıdın Pateev, Nurtóre Júsip, Nurjan Mýhmedjanova, Dana Ormanbaeva, Aıdar Jumabaev, Vıktor Kıanısa, Mıhaıl Dorofeev, Arman Shýraev, Beıbit Álibekov jáne Asqar Omarovtar bar.

Armanjan Baıtasov: «Medıa Aláns BAQ-a qyzmet etetin kez kelgen jýrnalısiń quqyǵyn qorǵaý úshin aıanbaı jumys isteıdi»,-dedi. Oǵan qosa Baıtasov qazirgi kezde Medıa Alánstyń úsh máselege basa nazar aýdaryp otyrǵanyn atap ótti, onyń biri: «BAQ týraly zańdy qaıta qaraý usynysy, bul taqyryp sońǵy kezde kóterilip júrgen mańyzdy máselelerdiń biri. Sondyqtan jaqyn arada ózgeretin bul zańnamaǵa bizder de óz úlesimizdi qosqymyz keledi. Qazirgi kezde bizdiń uıym Aqparat jáne komýnıkasıa Mınıstrligimen tyǵyz qarym-qatynasta. Meniń oıymsha, mınıstrlikke de zańdy myqtap túsinetin sapaly seriktes kerek»,- dedi.