Qazaqstan bas prokýratýrasy bankır, 2004 jyly jeltoqsanda ań aýlaýǵa shyqqan kezinde qaza tapqan Erjan Tátishevtiń ólimine qatysty isti qaıta ashpaq dep habarlaıdy Qamshy.kz aqparat agenttigi azattyq.org-qa silteme jasaı otyryp.

Bul týraly sheshim bıznesmen Murathan Toqmadıdiń KTK telearnasyndaǵy "Ony Mýrka dep ataıtyn" dep atalǵan derekti fılminde "bankırdiń óltirgenin moınyna alýyna" baılanysty qabyldanǵan. Fılmde Toqmadı Tátishevti ańǵa shyqqan kezinde "qasaqana atyp óltirgenin", al oǵan tapsyrysty "bankır, opozısıalyq saıasatker Muhtar Áblázov bergenin" málimdeıdi.

Jınalǵan málimetter (kýágerlerdiń, kúdikti Murathan Toqmadıdiń jaýaptary, saraptama qorytyndysy men basqa da materıaldar) boıynsha Erjan Tátishevtiń qarýdy durys ustamaýdan emes, basyna qasaqana atqan oqtan ólgenin anyqtady. Osyǵan baılanysty 25 qazanda prosesýaldyq prokýror Qylmystyq-prosessýaldyq kodekstiń 502 jáne 503 baptaryna saı Jambyl oblystyq sotyna M.Toqmadıge qatysty úkimniń kúshin joıýǵa negiz bary týraly uıǵarym jáne jańa anyqtalǵan jaǵdaıattarǵa baılanysty qylmystyq is boıynsha óndiristi qaıta ashý týraly talap-aryz joldady" dep habarlady bas prokýratýra.

Buǵan deıin ishki ister mınıstrligi fılmde aıtylǵan málimdemeler boıynsha tekserý júrgizetinin málimdegen. Toqmadı Erjan Tátishevtiń ólimi boıynsha "qylmystyq jaýapkershilikten sytylyp shyǵý úshin tergeýshige para bergenin" aıtqan.