Premer-Mınıstr Erevan qalasynda (Armenıa) ótken EÚAK jumysyna qatysqannan keıin Aqtaýǵa ushyp keldi. Bul týraly Qamshy.kz aqparat agenttigi QR Premer-Mınıstri baspasóz qyzmetine súıene otyryp jazady.
Baqytjan Saǵyntaev jumys sapary aıasynda óńirdiń jurtshylyǵymen jáne aktıvimen oblysty damytýdyń ózekti máseleleri boıynsha, sonymen qatar «Atameken» UKP óńirlik keńesiniń múshelerimen shaǵyn jáne orta bıznesti damytý máselesi boıynsha kezdesý ótkizedi dep josparlanǵan.
Budan ózge, QR Premer-Mınıstri Quryq aýylyndaǵy parom kesheniniń jumysymen jáne keshenniń ekinshi kezeńiniń qurylys barysymen tanysady, onymen qosa áleýmettik ınfraqurylym nysandary men ónerkásiptik kásiporyndardy aralaıdy.
Oblysqa kelgen boıda, 25 qazan kúni keshke, Baqytjan Saǵyntaev Aqtaýdyń shaǵyn aýdandarynyń birinde «Jańa Serpin» óńirlik baǵdarlamasyn iske asyrý aıasynda turǵyzylǵan jataqhanaǵa bardy. Atalǵan baǵdarlama jas mamandardy turǵyn úımen qamtamasyz etip, jumyssyz halyqtyń eńbekke jumylýyna járdemdesýge baǵyttalǵan.
