QR Premer-Mınıstri Baqytjan Saǵyntaev Mańǵystaý oblysyna jumys sapary aıasynda «Atameken» UKP óńirlik keńesiniń múshelerimen kezdesý ótkizdi, dep habarlaıdy Qamshy.kz aqparat agenttigi primeminister.kz-ke silteme jasaı otyryp.
Óńirdiń bıznes qaýymdastyǵy tarapynan Óńirlik keńestiń tóraǵasy, «Zapkaztranzıt» AQ dırektorlar keńesiniń tóraǵasy Jańabaı Súıindikov, «Qazteńiztransflot» kompanıasynyń bas dırektory Marat Ormanov, Mańǵystaý oblysy Týrızm qaýymdastyǵynyń tóraǵasy, «Kaspıı holdıń» JSHS dırektory Vıktor Koh, «Agrorost» fermerler qaýymdastyǵynyń tóraıymy Nursáýle Jıenbaeva, «Zaman jáne K» JSHS jáne «Salút jáne K» JSHS dırektory Hajeden Izmaılov, «Aqtaý halyqaralyq áýejaıy» AQ atqarýshy dırektory Erǵazy Joldasov, «Kezbı» JSHS dırektory Bitim Kezbaev, «deSali design territory studio» JSHS jáne «Coffee&People» JSHS dırektory Sáýle Salyhova jáne «QazAzot» AQ «Shaǵyrly–Shómishti» bólimshesiniń dırektory Abzal Meńdibaev sóz sóıledi.
QR mádenıet jáne sport mınıstri Arystanbek Muhamedıuly, QR ınvestısıalar jáne damý mınıstri Jeńis Qasymbek kóterilgen máselelerge qatysty túsinikteme berip ótti.
Baqytjan Saǵyntaev QR Úkimeti elimizdiń bıznes ahýalyn jaqsartyp, otandyq bıznesti damytý úshin qolaıly jaǵdaılar jasaý jolynda júıeli negizde jumystar júrgizip jatqanyn atap ótti. Bıznesti qaıta retteý boıynsha belsendi sharalar qabyldanyp jatyr, búginde bızneske ruqsat qujattamasynyń sany shamamen úsh esege qysqartyldy.
Sondaı-aq, túrli eseptemeler men málimdemelerdiń, negizsiz salyq tekserýleriniń sanyn qysqartý boıynsha jumystar jalǵastyrylyp jatyr. Budan ózge, bıznestiń memlekettik satyp alýlarǵa jáne kvazımemlekettik sektor satyp alýlaryna qoljetimdiligin arttyrý boıynsha kólemdi jumystar júrgizildi, elimizdiń árbir júıe quraýshy kásiporny boıynsha jergilikti qamtý kólemin ulǵaıtýdyń maqsatty ındıkatorlaryn ornatý jumystary bastaý aldy.
Qarjylyq qoldaý kórsetý sharalary týraly aıtar bolsaq, qazirgi tańda memleket Ónimdi jumyspen qamtý jáne jappaı kásipkerlikti damytý baǵdarlamasyn iske asyryp jatyr, onyń aıasynda tıimdi mólsherleme boıynsha 18 mln teńgege deıin shaǵyn nesıeler beriledi.
Úkimettiń otandyq bıznesti damytý boıynsha keshendi jumysy odan ári jalǵasyn tappaq, sebebi, Memleket basshysynyń tapsyrmalaryna sáıkes JİÓ-niń jalpy kólemindegi SHOB-tiń úlesi 2050 jylǵa qaraı 50%-dan kem bolmaýy tıis.
