Germanıa prezıdenti Frank-Valter Shtaınmaıer óz eliniń Reseımen qarym-qatynasy deńgeıine kóńili tolmaıdy. Bul týraly ol Máskeýde Reseı prezıdenti Vladımır Pýtınmen kezdeskennen keıin málimdedi, dep Qamshy.kz aqparat agenttigi Azattyq Radıosyna silteme jasap habarlaıdy.
Shtaınmaıer Reseıdiń Qyrymdy aneksıalaýy men Ýkraınanyń shyǵysyndaǵy janjalǵa qaramastan, eki el qarym-qatynasty jaqsartý úshin, birlesip kúsh jumsaý keregin aıtty.
Pýtın bolsa Germanıa prezıdentiniń eline saparynan keıin eki jaqty qarym-qatynas nyǵaıady degen úmittenetinin bildirdi. Pýtın sonymen birge Shtaınmaıermen Ýkraına shyǵysyndaǵy jaǵdaıdy talqylaǵanyn aıtty.
"Germanıa men Reseı arasyndaǵy qarym-qatynastyń salqyndyǵynan Shtaınmaıerdiń Reseıge sapary memlekettik deńgeıde emes, jumys sapary retinde jasaldy" dep jazady Deutsche Welle.
