Sońǵy ýaqytta Ózbekstan bilim júıesinde zorlyq-zombylyq problemasy órship tur. Osy jyldyń ózinde bir emes, birden úsh qylmystyq is qozǵaldy: Sýrhandar oblysyndaǵy balabaqshadaǵy tárbıelenýshilerge qatysty is, Jasýr Ibragımov esimdi medısınalyq kolej stýdentiniń ólimi, sonymen birge sońǵy bolǵan zań kollejindegi pyshaqtaý qylmysy oryn alyp nátıjesinde jasóspirim qaza bolǵan. Bul týraly Qamshy.kz aqparat agenttigi Sputnik Ýzbekıstan-ǵa silteme berip habarlaıdy.

Ózbekstan astanasynyń turǵyndary mektepterdegi zorlyq týraly quqyq qorǵaý organdaryna habarlaǵan, tipti birinshi, ekinshi synyp oqýshylary synyptan shyǵýǵa qorqatynyn jetkizgen.

Tashkent qalasynyń quqyq qorǵaý organdarynyń málimetinshe, osy oqý jyly bastalysymen lıseı jáne kolej stýdentterinen barlyǵy 23 pyshaq, balta, travmatıkalyq pıstolet alynǵan.

Jasóspirimder arasyndaǵy, mekteptegi qylmystardyń kóbeıýi nátıjesinde kolejder men lıseılerde mettal detektorlary qoıylyp, tipti oqýdy elektorndy júıege kóshirý de qolǵa alynǵan.