Saýda Arabıasynyń hanzadasy Muhammed ıbn Salman bolashaq qalasynyń salynatynyn málimdedi. Jańa qalanyń aty  «Neom» bolmaq. Bul qala Arabıa shól dalasynda Qyzyl teńiz jaǵalaýynda salynady dep habarlaıdy Moıa planeta.

Osy maqsatta memleket bıligi  26 500 km²  qurǵaq jer bólgen. Bul Máskeý qalasynan 10,5  ese úlken aýmaq. Bolashaqta bul qala Mysyr men Iordanıa jerlerine deıin jetedi dep josparlanýda.

Qala barlyq zamanaýı ınovasıalyq tehnologıalyq múmkindikterge ıe  jáne qalada adamdarǵa qaraǵanda robottar kóbirek bolady dep málimdeldi. Energıany tek tabıǵı joldarmen: jel, kúnniń kózinen alyp,  qoǵamdyq kólikter tek elektr enegrıasy arqyly qoldanylatyn bolady.

Qala qurylysyna qarajatty tek Saýd Arabıasy ǵana emes, shetel ınvestorlary da salady eken. Máselen, Japonıanyń SoftBank Vision fondy ınvestor bolmaq. Qala qurylysyna ketetin qarajat  $500 mlrd dep belgilengen.

Qaladaǵy barlyq qyzmetter avtomattadyrylǵan bolady dep kútilýde.

Washington Post  bul qalany «Robottarǵa arnalǵan Mekke» dep ataǵan. Qala amerıkalyq televızıada jarnamalanyp úlgergen..