Elbasy Nursultan Nazarbaev qazaq tili álipbıin kırıllısadan latyn grafıkasyna kóshirý týraly Jarlyqqa qol qoıdy.
Osyǵan oraı, Atyraý oblysy prokýratýrasynda jańa latyn álipbıin úırený boıynsha oqý sabaǵy ótkizildi dep habarlaıdy Qamshy.kz aqparat agenttigi.
Oblys prokýrory Ernat Sybanqulovtyń aıtýynsha, memlekettik organdardyń qyzmetkerleri jańa álipbıdi birinshi kezekte bilý kerek, óıtkeni erteń dál osy laýazymdy tulǵalar azamattardy qabyldap, olardyń ótinishteri boıynsha jaýap beredi. Sondyqtan qazirden bastap jańa talaptarǵa daıyndalý qajet.
«Memleket ókilderi retinde bizder latyn alfavıtin aıqyn, naqty jáne saýatty biliýimiz kerek» – dedi ol.
Latyn grafıkasyna kóshý qazirgi zamanǵy shyndyqqa negizdelgen, komýnıkasıanyń tehnıkalyq erekshelikteri latyn grafıkasynyń qajettigin kórsetip otyr. İs júzinde barlyq tehnologıalyq damyǵan álem kóbine latyn grafıkasyn qoldanada.
Qazaqstan úshin bul tarıhı sát. 2025 jylǵa deıin latyn grafıkasyna kezeń-kezeńimen kóshý týraly memleket basshysy 2012 jylǵy «Qazaqstan - 2050» Strategıasynda atap ótken.
Sabaqty Halel Dosmuhamedov atyndaǵy Atyraý memlekettik ýnıversıtetiniń gýmanıtarlyq ǵylymdar jáne óner fakúltetiniń dekany Gúlfaırýz Qaıyrǵalıeva ótkizdi. Ol prokýrorlarǵa jańa álipbıdiń erekshelikterin, onyń tarıhı maǵynasyn jáne qazaqstandyqtardyń ómirindegi burynǵy latyn grafıkasy týraly aıtty.
Prokýrorlarmen osy tektes oqý sabaqtary aldaǵy ýaqytta da ótip turady.
