Aqtóbe oblysynyń qylmystyq ister jónindegi mamandandyrylǵan aýdanaralyq soty 12 jastaǵy qyz balaǵa zorlyq áreket kórsetken pedofılge qatysty is qozǵady. Bul týraly Aqtóbe oblystyq sotynyń baspasóz qyzmeti málimdedi, dep habarlaıdy Qamshy.kz aqparat agenttigi.

«Sotta málimdelgendeı, aqtóbelik 40 jastaǵy T. esimdi azamat óz baýyrynyń 12 jastaǵy ógeı qyzynyń dármensizdigin paıdalanyp, 2016-2017 jyldar aralyǵynda turaqty túrde zorlyq áreket kórsetip kelgen»,- delingen vedomstvoda.

Pedofıldiń qylmysy qyzdyń anasy kúıeýimen aıyrylysqan soń ǵana ashylǵan. Aldyn ala tergeý barysynda qyz 6 jasynan bastap zorlyq árekettiń qurbany bolǵany anyqtaldy.

Quqyqqorǵaý organdarynyń aralasýymen pedofıl qamaldy.

Sot T. esimdi azamatty jas balamen jynystyq qatynasqa túskeni úshin, onyń dármensizdigin paıdalanyp jábirlegeni úshin kináli dep tapty. QR QK 120-bap, 4-bólim jáne 124-bap, 3-bólimderine sáıkes, aıyptalýshy 17 jylǵa bas bostandyǵynan aıyrylyp, jazasyn atqarýshy júıedegi eń joǵarǵy qaýipsizdik mekemelerinde óteıdi.  

Sonymen qatar, kámelet jasqa tolmaǵan balalarǵa qatysy bar jumys isteýge tyıym salyndy.