Astanada «Bolashaqqa baǵdar: rýhanı jańǵyrý» baǵdarlamasyn júzege asyrý maqsatynda ustazdar men stýdentterge latyn ǵarpine ótýdiń tıimdiligi túsindirildi, dep habarlaıdy Qamshy.kz aqparat agenttigi Astana qalasy ákimdiginiń medıa ortalyǵyna silteme berip.

Astana qalasy ishki saıasat basqarmasynnyń qoldaýymen Elbasynnyń «Bolashaqqa baǵdar: rýhanı jańǵyrý» atty maqalasynyń negizgi qaǵıdalary boıynsha aqparattyq-túsindirý jumystaryn uıymdastyrý negizinde «Qazaq tiliniń latyn álipbıine ótýdiń damý bolashaǵy» atty dóńgelek ústel ótti.

«Latyn grafıkasyna ótý zaman talaby. Kópshilik osy máseleni talqylap, ǵalymdardyń eńbekterine súıene otyryp júzege asyrýymyz kerek. Biraq ol qazaq tiliniń ishki tabıǵatyna, qazaq tiliniń áýezdiligine, ereksheligine zıanyn tıgizbeýi kerek. Jáne de asyǵyp, aptyǵatyn is emes. Elbasy aıtqandaı qoǵamnyń talqysyna salyp, jurtshylyqpen aqyldasa otyryp jasalyp otyrǵan is. Eń bastysy latyn grafıkasy memlekettik til men qazaq tili degen uǵymdardy tenestirip, birdeılikke ótýge negiz bolýy kerek», - dep atap ótti L.Gýmılev atyndaǵy Eýrazıa Ulttyq ýnıversıteti «Qazaq ádebıeti» kafedrasynyń dosenti, fılologıa ǵylymdarynyń kandıdaty Omar Jálel.

Shara maqsaty Elbasy maqalasynnyń negizgi tujyrymdary boıynsha halyq arasynda ýaqytyly jáne keshendi aqparattyq-túsindirý jumystaryn júrgizý. Qazaq tiliniń latyn álipbıine ótýiniń damý bolashaǵy jáne jańa grafıkadaǵy biryńǵaı qalyp úlgisin tanystyrý.