Altynshy ret ótkizilip otyrǵan «Altyn qalam» baıqaýyna 590 avtordan 1076 shyǵarma kelip túsken. Shyǵarmalardyń teń jartysy qazaq, jartysy orys tilinde jazylǵan. Arnaıy 1 000 000 teńgelik aqshalaı júldeni Esenqul Mamanov atyndaǵy premıanyń ıegeri, «Alashordanyń 100 jyldyǵyna» arnalǵan taqyryptyq shyǵarmada top jarǵan qalamger jáne eń myqty balalar men jasóspirimderge arnalǵan «Daraboz» ádebı shyǵarma avtory ıelendi.
Konkýrstyń sońǵy qysqa tizimine árbir janr boıynsha bes shyǵarmadan engizildi. Jeńimpazdardy marapattaý sharasy 30 qazanda Rixos Almaty qonaqúıinde ótti. Bul týraly Qamshy.kz aqparat agenttiginiń tilshisi habarlaıdy.
«Bıylǵy júlde biz úshin erekshe boldy. Olaı deıtin sebebimiz, «Alash» partıasynyń qurylǵanyna 100 jyl tolýyna oraı «Alashordaǵa 100 jyl» atalymy jarıalandy. Satıra janry bıyldan bastap jazýshy, satırık, aýdarmashy Esenjol Dombaı atyndaǵy «Jyldyń úzdik satırasy» bolyp ózgertildi. Sonymen qatar, buǵan deıin 11 ret ótkizilgen balalar jazýshylaryna arnalǵan Halyqaralyq «Daraboz» baıqaýy bıyl birinshi ret «Altyn qalam» ádebı júldesi aıasynda ótti. «Bul balalar shyǵarmasyna qamtyǵan týyndylardyń sanyn ǵana emes, sapasynyń da artýyna septigin tıgizdi. Bizdiń akalam.kz saıty arqyly árbir shyǵarma óz oqyrmanyn tapty dep oılaımyz»,-dedi «Altyn qalam» ádebı júldesi uıymdastyrý komıtetiniń dırektory Kenje Jumanuly.
Osy jyly uıymdastyrý komıtetiniń jáne qazylar alqasy quramyna Dosym Satpaev, Aıdos Sarym, Arman Shoraev, Nurjan Muhamedjanova, Rasýl Jumaly, Kenje Jumanuly, Qýat Dombaı, Áıgerim Raıyqulova, Beknýr Qısyqov, Tatána Fılıpchık jáne basqalar endi.
«Altyn qalam 2017» baıqaýyna tek Qazaqstan ǵana emes, AQSH, Germanıa, Ýkraına, Reseı, Izraıl jáne Belorýsıa elinde turatyn avtorlar da qatysty.
Baıqaýǵa jumystar aqpannyń 15 men qyrkúıektiń 15 aralyǵynda qabyldanyp, oqyrmandar ǵalamtor arqyly qazan aıyna deıin daýys bergen.
Bas júlde 1 mln teńgeni tarıhshy – jazýshy astanalyq Ámirjan Álpeıisov ıelendi. Balalar jazýshylaryna arnalǵan «Daraboz» baıqaýynyń bas júldesin jáne 1 mln teńgeni jazýshy qaraǵandylyq Tóken Áljantegi jeńip aldy.
— Pulatova Zamyra (@PZamyra) 31 oktábrá 2017 g.
Tóken Áljantegi marapatyn ala turyp, sóz sóıledi, ol: «Belınskııdiń sózi bar ǵoı, «Ábden azǵyndaǵanda adam ádebıetke qaıtyp keledi» deıdi. Biz qazir qandaı zamanda ómir súrip otyrǵanymyzdy ózimiz de bilmeı qaldyq. Al endi osyndaı jaǵdaıda adamnyń betin jaqsylyqqa, ıgilikke, jasampazdyqqa qaraı burý ol myna ádebıetshilerdiń, sol sıaqty ádebıetti qoldaýshylardyń úlken bir abyroıly mindeti dep esepteý kerek»,- dedi. Ol «Altyn qalam» bolashaǵynyń jarqyn ekendigine senetindigin aıtty.
«Jyldyń úzdik fantasıkasy jáne detektıvi» nomınasıasy boıynsha, jeńimpazdy marapattaýǵa talantty jazýshy Turysbek Sáýketaev keldi. Ol: «Byltyr ózimiz marapattalyp edik, búgin osy baqytqa keneletin kelesi adamnyń qýanyshyna kýá bolyp otyrmyz. Biz sıaqty mosqal adamdar emes, ádebıetke jastardyń kelýi qýanyshty jaıt. Fantasıka janry qazaq ádebıetinde kesheýildep, kenjelep jatqan janr. Osyǵan bizdiń jastarymyzdyń, qalamdastarymyzdyń úles qosyp jatqany bizdi qýantady. Qazir ol zaman talaby, oqyrmandar búginde fantasıkaǵa den qoıǵan. Qazir ǵylymnyń tehnıkanyń dáýirlegen zamany, sondyqtan da osy janrdyń damyp, ádebıette kórinis tabýy biz úshin qýanysh»,- dedi.
— Pulatova Zamyra (@PZamyra) 31 oktábrá 2017 g.
Marapattaý aıaqtalysymen, Tóken Áljanteginen saıystan jeńip alǵan shyǵarmasynyń ereksheligin suraǵan bolatynbyz. Ol: «Men «Jaılaý qyzyqtary» degen kishigirim úsh áńgimeni jazdym, onda birinshiden, bala psıhologıasy, ekinshiden dala psıhologıasy, úshinshi, qazaqı psıhologıa bar. Balany qazaqılyqqa tárbıeleýge negizdelgen úsh áńgime: alǵashqysy «Mysyq pen jylan», ekinshisi – «Aq laq aqymaq pa?» jáne úshinshisi - «Toqymqaǵar», bul sońǵysy, bastapqy eki áńgimeni qorytyndylaıdy. Shyǵarmanyń jeńimpaz bolýyna sebep, bizdiń ulttyq mentalıtettiń, sana-sezimniń onda aıqyn kórinis tabýy dep bilemin. Balalardy óz ultymyzǵa degen súıispenshilikke tárbıeleýge baǵyttalýy bolǵandyǵynan»,- dep túsindirdi ol.
Oqyrmandardyń qoldaýy jáne qazylardyń tańdaýy boıynsha ár atalym boıynsha Nomınasıa jeńimpazdardyń aty atalyp, marapattaldy, olar:
«Jyldyń úzdik poezıasy» nomınasıasy boıynsha - Nurjan Nurbek, Almaty
«Jyldyń úzdik prozasy» - Qarǵabaı Maqsat, Ońtústik Qazaqstan oblysy
«Jyldyń úzdik kıno senarıi jáne dramatýrgıasy» - Aıdarov Jomart, Shymkent
«Jyldyń úzdik balalar jáne jasóspirimder ádebıeti «Daraboz» - Áljantegi Tóken, Qaraǵandy
«Jyldyń úzdik satırasy» - Eralhan Jylqaıdaruly, Lenger
«Alashordaǵa 100 jyl!» - Álpeıisov Ámirjan, Astana
«Jyldyń úzdik fantasıkasy jáne detektıvi» - Bekbolat Oralbek, Kentaý
«Qazaq ádebıetine qosqan eleýli eńbegi úshin» - Sherhan Murtaza
«Lýchshaıa poezıa goda» - Abıldın Dastan, Kokshetaý
«Lýchshaıa proza goda» - Kenesova Gaýhar, Almaty
«Lýchshaıa detskaıa ı podrostkovaıa lıteratýra goda «Daraboz» - Mýftahýtdınova Dılára, Kokshetaý
«Lýchshaıa satıra goda ımenı Esenjola Dombaı» - Sýslova Aleksandra, Kostanaı
«Lýchshaıa fantasıka ı detektıvy goda» - Voronkova Olga, Semeı
«Lýchshıı kıno senarı ı dramatýrgıa goda» - Sanjar Nýrlan ı Ramazanova Baný, Almaty
«Lýchshıı zarýbejnyı avtor goda» - Shablınskıı Vladımır, Belarýs
«100-letıe Alash Ordy» - Mýftahýtdınova Dılára, Kokshetaý
Atap óterligi, «Altyn qalam 2017» baıqaýyna kóptegen uıymdar qoldaý kórsetti, olar: «Jersý» ınvestısıalyq korporasıasy, «Rýsskoe radıo», «Kazkom» banki, «Qazaqstan baspasóz ortalyǵy» KTK, 31 telearna, «Meloman» saýda jelisi, «Aıqyn», «Jas alash» basylymdary jáne «Arýna» baspasy.
Qorytyndylaı kele, saıysqa túsken barlyq shyǵarma www.akalam.kz resmı saıtyna ornalastyrylatynyn eskertemiz.
