Almatyda 19-shy qazanda «Saebiz» atty meıramhana ashyldy. Búgingi tańda eldegi eń ózekti taqyryptardyń biri – latyn qarpine kóshý.  Meıramhana ataýy Úkimet otyrysynda usynylǵan  latyn álipbıi nusqasy negizinde jazylǵan. Latyn qarpinde belgili bir mekemege ataý berilgenin eskere otyryp,  atalǵan  meıramhanany Qamshy.kz aqparat agenttiginiń jýrnalısi kórip qaıtty.

Atalǵan meıramhananyń dırektory Elena Grımınenko jýrnalısiń suraqtaryna jaýap berdi.

Elena Vıktorovna, eń aldymen meıramhananyń ashylýymen quttyqtaımyn! Nege «Saebiz» dep qoıdyńyzdar?

Búgingi tańda latyn qarpine kóshý eldegi ózekti taqyryptardyń biri. Memleket basshysy jınalystardyń birinde sábiz sóziniń latyn qarpinde qalaı jazylatynyn taldap kórsetken bolatyn. Sol kúnnen bastap sábiz sózi el arasynda úlken talqylaýǵa tústi. Bir jaǵynan halyqtyń latyn grafıkasyna kóshýine bastama bolsyn dedik, al ekinshi jaǵynan talqylaýǵa túsken ataý arqyly meıramhanaǵa kelýshilerdiń qarasyn kóbeıtýdi oıladyq.

Birinshi orynda latyn qarpine kóshý turdy ma, álde bıznesti dóńgeletip áketý me?

Shyn jaýap bereıin be? (kúlip). Shyndyǵyna kelsek, birinshi orynda bıznes turdy. Meıramhananyń ashylýyna 2 apta qalǵanda «Saebiz» sózi talqyǵa salynyp jatty. Sol sátte meıramhana ataýyn «Saebiz» dep qoıamyz degen oıǵa keldik. Al bastapqyda qalaı ataǵymyz kelgeni qazir mańyzdy bolmaı qaldy. 

Al qazaq tilin bilmeıtinderge «Saebiz» sóziniń oqylýy esh qıyndyq týdyryp jatqan joq pa? 

Meıramhananyń ataýy esh qıyndyq týdyryp jatqan joq. Sábizdiń sýreti de jazýdyń janynda tur. "Sábiz degen ne?suraıtyn orys tildilerge túsindirip otyramyz. Al meıramhanaǵa kelýshiler ataýynyń ózin qaıta-qaıta oqyp, yqylastaryn tanytyp  otyrady. Bizge de keregi sol.Jaqynda Memleket basshysy latyn qarpine baılanysty Jarlyqqa qol qoıdy. Tańdalǵan latyn grafıkasyna saı meıramhana ataýyn ózgertý oıyńyzda bar ma? 

Ia, ol jańalyqpen tanyspyn. Alaıda ázirge meıramhana ataýyn ózgertý oıymyzda joq. Eger basqa da meıramhanalar, demalys oryndary latyn qarpine kóship jatsa, biz de qalyspaımyz degen oıdamyn. Ony ýaqyttyń enshisine qaldyrdyq. Kelýshilerge meıramhana ataýy unaıdy jáne bizdiń basqa da meıramhanalar óz ataýymen erekshelenedi. Máselen, "Larıss Ivanný hachý". Endi ol  «Saebiz» ataýymen tolyqty. 

Meıramhana ishinde qazaqy naqyshtaǵy oıý erekshe kózge túsedi. Ideıa avtory kim?

Meıramhana ishin bezendirý, ataýyn qoıý sekildi sheshimderdi qabyldaǵan meıramhana ıesi Edgar Oganesovıch. Ulttyq naqyshty qıalmen ushtastyra otyryp erekshe úlgini jasap shyqtyq.  Aldaǵy ýaqytqa qandaı josparlaryńyz bar?

Ulttyq taǵamdar men vegetarıandarǵa arnalǵan taǵamdardy mázirge qosýdy oılastyryp jatyrmyz. Al senbi jáne jeksenbi kúnderi meıramhanaǵa otbasymen kelýshilerdiń qatary kóbeıip keledi. Osyny eskere kele balalarǵa arnalǵan mázir de daıyndamaqpyz. 

Suhbatyńyzǵa raqmet! İsińizge sáttilik tileımin! 

Suhbattasqan: Aıgerim TAÝBAI