Shymkenttiń ákimi bolǵan Ǵabıdolla Ábdirahymov áriptesterimen qoshtasyp, olarǵa alǵysyn jetkizdi, dep jazady Qamshy.kz aqparat agenttigi. Bul týraly Today.kz portaly habarlady. 

«Meniń memlekettik qyzmettegi eń keremet jyldarym Shymkentte ótti. Orynbasarlaryma, bólim basshylaryna, aýdan ákimderine jáne jergilikti polısıa qyzmetiniń basshysyna alǵysymdy bildiremin. Jumys barysynda túrli jaǵdaılar kezdesedi, sizderdi renjitken bolsam, keshirim suraımyn. Men bárińizdi syılaımyn!», - dedi Ǵabıdolla Ábdirahymov.

Ákimniń qol astynda jumys istegen qyzmetkerleri de Ǵabıdolla Ábirahymovpen jumys isteý qyzyqty ári yńǵaıly ekenin jetkizdi.

«Sizben jumys isteý qyzyqty. Ketkenińizdi qalamaǵan edik. Biz ǵana emes, shymkenttikterdiń bári qalamaıdy. Qalýyńyzdy ótindi de. Bári sizdi jaqsy kóredi, syılaıdy. Birge jumys istegenimiz úshin alǵys aıtamyn. Aldaǵy kúnderi ár isińiz tabysty bolsyn dep tileımiz. Sizdiń bizge úıretkenińiz kóp boldy. Bir komandadaı jumys istedik», - dedi búdjettik josparlaý bóliminiń bastyǵy Gúljan Qurmanbekova.

Aıta keteıik, Ǵabıdolla Ábdirahymov 2015 jyly Shymkent ákimi bolyp taǵaıyndalǵan. Al 2017 jyldyń 31 qazanynda «Nur Otan» partıasynyń Tóraǵasy Nursultan Nazarbaevtyń kelisimi boıynsha partıa Tóraǵasynyń Birinshi orynbasary Muhtar Qul-Muhammed Ortalyq apparat ujymyna partıanyń jańa hatshysy Ǵabıdolla Ábdirahymovty tanystyrdy.