Polısıa qyzmetkerleri seısenbi kúni tómengi Manhettendegi shabýylda paıdalanylǵan júk kóliginen qylmystyń DAISH terrorlyq uıymy úshin jasalǵanyn rastaıtyn jazbany tapty,-dep Qamshy.kz aqparat agenttigi NBC News-ke súıene otyryp jazady.
Eske sala keteıik, shabýyldy 2010 jyly Qurama Shtattarǵa Ózbekstannan kelgen Saıfýll Habıbýllaevıch Saıpov seısenbi kúni tústen keıin Vest-Tıde tas jolynyń mańyna kóligimen velosıped jolyna shyǵyp ketip, segiz adamdy óltirip, 11 adamdy jaraqattaǵan bolatyn.
Saıpov júk mashınasymen ádeıi mektep avtobýsyna soqtyǵysyp, qolyna qarý-jaraǵyn alyp «Allahý Akbar» dep daýystady.
Júk mashınasynan tabylǵan jazbada «DAISH máńgilik ómir súredi!» degen jazý jáne pyshaq tabylǵan.
Terrordy jasaǵan Saıpov Florıdada ómir súrgen. Ony tanıtyn ózbekstandyq tanysy Qobyljon Matkarovtyń aıtýynsha, Saıpovtyń mundaı áreketke barýy kútpegen jaǵdaı. Sońǵy ret ony budan alty aı buryn kórgen. Matkarov: «Ol óte baqytty bolyp júretin jáne AQSH-ty súıetin jigit edi»,- dedi telefon arqyly alynǵan suhbatta.
Alǵashqyda Saıpovtyń AQSH-qa qalaı qonys aýdarǵandyǵy jóninde belgisiz bolǵan. Al onyń dosy Matkarovtyń oıynsha, Saıpov qazirde Nú Jersıde turyp, Uber júrgizýshisi bolyp qyzmet istegen. Uber Saıpovtyń shyndyǵynda da kólik júrgizýshisi bolǵandyǵyn jáne onyń ómir-baıany jumysqa kirer kezinde tolyq tekserilgendigin rastady.
Oqıǵa týraly alǵashqy málimdemelerden keıin Prezıdent Donald Tramp Tvıtterde «bul «AQSH-ta joq!» óte aýyr jáne aqylsyz adamnyń taǵy bir shabýylyna uqsaıdy» dep málimdedi.
