Burynǵy ulttyq ekonomıka mınıstri Qýandyq Bıshimbaev pen onyń isi boıynsha aıyptalǵan taǵy 22 adamnyń isin qaraıtyn negizgi sot prosesi 7 qarashaǵa belgilendi. 31 qarashada ótken aldyn ala tyńdaýda Astananyń mamandandyrylǵan aýdanaralyq qylmystyq ister boıynsha soty advokattar bildirgen talap-tilekterdiń kóbin qabyldamaı tastady, dep Qamshy.kz aqparat agenttigi Azattyq Radıosyna silteme jasap habarlaıdy.

Bıshimbaevtiń advokaty sottan oǵan qatysty qylmystyq qýdalaýdy toqtatýdy suraǵan. Sot ol talap-tilek aldyn ala sot tyńdaýynda qanaǵattandyrylmaıtynyn aıtyp, qaıtaryp tastady.

Para aldy jáne qarjy jymqyrdy dep aıyptalǵan 37 jastaǵy eks-mınıstr Bıshimbaev osy jyldyń basynan beri qamaýda otyr. Tergeý tujyrymynsha, Bıshimbaev "Báıterek" holdıńin basqaryp turǵan kezinde korrýpsıalyq qıturqylyq jasap, Qyzylordadaǵy shyny zaýytynyń qurylysyna bólingen qarjyny jymqyrǵan. Bıshimbaev aıybyn moıyndamaıdy.

31 qazanda ótken aldyn ala sot tyńdaýynda Bıshimbaev isi boıynsha sottalǵandardyń birazy aıyptaryn "moıyndaıtyny" belgili bolǵan.