Korrýpsıamen kúres qoryn qurǵan Alekseı Navalnyı Reseı prezıdenti Vladımır Pýtın men onyń ákimshiligin sotqa bermek nıette, dep Qamshy.kz aqparat agenttigi Azattyq Radıosyna silteme jasap habarlaıdy.

Oppozısıoner Reseı qalalarynyń bıligi ózine saılaýshylarmen kezdesýge Kremldiń pármenimen ruqsat bermeı otyrǵanyn aıtady.

Navalnyı óz blogynda Reseı qalalarynyń bıligi aksıa ótkizýge ruqsat berýden kóbinshe bas tartatynyn aıtady. Oppozısıonerdiń pikirinshe, Kreml buǵan deıin bolǵan aksıalarǵa oppozısıonerdiń kóptegen jaqtasy jınalǵanyna alańdaıdy.

Alekseı Navalnyı Reseıdegi iri 50 shaqty qalanyń ákimshiligi "apta saıyn saılaýshylarmen kezdesýge ruqsat berýden bas tarta otyryp, zańdy óreskel buzyp otyrǵanyn" aıtady. Oppozısıoner aksıalaryn budan bylaı da ótkize beretinin, biraq jańa formatta - jeke menshik terıtorıada jáne jekemenshik nysanda ótkizetinin aıtty.