Kezdesý barysynda Qazaqstandaǵy evreı qaýymynyń qyzmeti, qazirgi zamanǵy syn-qaterlerge qarsy turý úshin kúsh biriktirý jáne dinaralyq kelisimniń qazaqstandyq modeli jónindegi máseleler talqylandy.

Memlekettik hatshy AQSH Qazaqstannyń mańyzdy strategıalyq seriktesiniń biri ekendigin atap ótti.

G.Ábdiqalyqova Qazaqstan Prezıdentiniń Birikken Ulttar Uıymy aıasynda Jahandyq antıterrorıstik jeli qurý jónindegi bastamasy ózekti ekenin aıtty. Elimizdiń 2017-2018 jyldary BUU Qaýipsizdik Keńesine turaqty emes múshe bolyp saılanýy – ekijaqty ózara is-qımylymyzdyń kemeline kelýiniń taǵy bir aıǵaǵy.

Qazaqstan 2050 jylǵa qaraı álemdegi ozyq damyǵan 30 memlekettiń qataryna qosylý maqsatyn alǵa qoıyp otyr. 2017 jyly Memleket basshysynyń bastamasymen ekonomıkalyq ósimniń jańa modelin qalyptastyrýǵa baǵyttalǵan Úshinshi jańǵyrý bastaldy. Alǵashqy nátıjeler ekonomıkanyń nyq qalpyna kelý úrdisin kórsetýde: bıyl elimizdiń ishki jalpy ónimi 3,5 paıyzǵa ósti.

Memlekettik hatshy rýhanı jańǵyrýdyń basty talaby tól mádenıetimiz ben ulttyq kodty saqtaý ekendigin aıtty.

G.Ábdiqalyqovanyń málimdeýinshe, respýblıkada 100-den astam etnos ókilderi turady. Qoǵamdyq kelisim men jalpyulttyq birliktiń qazaqstandyq modeli etnostardyń qoǵamdyq birlestikterge birigýiniń jáne memleketpen ózara árekettesýiniń negizinde qalyptastyryldy. Elimizde 1338 etnomádenı birlestik, sonyń ishinde 29 respýblıkalyq dárejedegi birlestik jáne 39 Dostyq úıi bar.

Kelissóz barysynda Qazaqstan Batys pen Shyǵystyń ortaq syn-qaterlerge tótep berýine qatysty ustanymdaryn jaqyndastyra túsý úshin talpynys jasap otyrǵany aıtyldy. Álemdik jáne dástúrli dinder kóshbasshylarynyń sezi arqyly Qazaqstan álemdik jetekshi konfesıalardyń jahandyq beıbitshilik pen kelisimdi ornyqtyrý jolyndaǵy umtylystarynyń alańyna aınaldy.

Sońynda Gúlshara Ábdiqalyqova Danıel Rýbınniń Qazaqstandaǵy saparynyń jaqsy ótýine nıettestik bildirip, tabys tiledi.