Vladımır Lenınniń týǵan jeri Ýlánovskide onyń denesin amerıkalyqtarǵa satyp jiberý usynyldy. Osyndaı usynysty Ýlánovsk memlekettik ýnıversıtetiniń dosenti, dintanýshy ǵalym Sergeı Petrov jasaǵan. Bul týraly reseılik aqparat agenttigi Ýra.ru jazady.
Ol bul usynysty Sheshenstan basshysy Ramzan Qadyrovtyń Lenın denesin mazardan shyǵaryp Qyzyl alańda jerleý kerek degen usynysynan keıin jasaǵan.
«Lenındi jaı ǵana jerleı salý - aqymaqtyq. Mysaly, mysyrlyq faraondar óte kóp, al Lenın bolsa – jalǵyz»,- deıdi S. Petrov.
Onyń esepteýlerine qaraǵanda álemdik proletarıat mýmıasynyń baǵasy qymbat.
Memleket Lenın denesin satylymǵa qoıýyna bolady. Amerıkalyq murajaılardyń kez kelgeni onyń denesin esh oılanbastan satyp alyp ketetinine kózim jetedi deıdi ol.
