«Qazaqstan»  RTRK AQ-nyń delegasıasy Basqarma tóraǵasy Erlan Qarınniń basqarýymen  Sychýan provınsıasynyń Chengdý qalasynda (QHR) ótip jatqan Azıa-Tynyq muhıttyq  habar taratý (Asia-Pasific Broadcasting Union) Bas Assambleıasynyń 54 otyrysyna qatysýda dep jazady Qamshy.kz aqparat agenttigi. 

Sharaǵa Azıanyń SSTV, NHK, CBS jáne t.b. iri telearnalarynyń basshylary  da kelgen.    Bas Assambleıanyń otyrysynda aǵymdaǵy jyldyń qorytyndylary men  keleshektegi jumys kezeńderi qarastyryldy. Sesıa aıasynda sporttyq medıa, baǵdarlamalyq sheshimder, jańa medıaresýrstar jáne ózge de jumys komıtetteriniń jekelegen baǵyttaryna arnalǵan jıyny ótedi.

Bas Assambleıanyń otyrysy qarsańynda 2 qarasha kúni «Qazaqstan»  teleradıokorporasıasynyń osy uıymǵa múshelikke ótkendigi jaıynda Ákimshilik keńesiniń jıynynda habarlanǵan bolatyn.

ABU otyrysynyń aıasynda «Qazaqstan»  teleradıokorporasıasynyń delegasıasy sheteldik telearnalardaǵy áriptesterimen jáne seriktesterimen kezdesti. 

Atap aıtqanda, «Qazaqstan»  teleradıokorporasıasy maýsym aıynda  ózara yntymaqtastyq jaıly memorandýmǵa qol qoıǵan SSTV arnasynyń basshylyǵymen kezdesip, birlesken jobalardyń jumys barysyn talqyǵa saldy.

Sondaı-aq, Ózbekstannyń Ulttyq teleradıokompanıasy  (NTRK)  men «Kazaqstan» teleradıokorporasıasy arasynda ekijaqty yntymaqtastyq ornatý jóninde  kelissózder ótti.

Eske sala keteıik, 2017 jyldyń qyrkúıek aıynda  «Qazaqstan»  teleradıokorporasıasy Azıa -  Tynyq muhıty aımaǵy elderiniń habar taratý odaǵyna kirgen bolatyn. Asia-Pasific Broadcasting Union (ABU)  qaýymdastyǵy 1964 jyly qurylǵan. ABU odaǵynyń quramynda  69 memleketten 272 teleradıokompanıa bar.