AQSH prezıdenti Donald Tramp Reseı prezıdenti Vladımır Pýtınmen kezdesýdi josparlap otyrǵanyn málimdedi, dep habarlaıdy Qamshy.kz aqparat agenttigi.
Aldaǵy kezdesýde talqylanatyn máselelerdiń biri –Ýkraınadaǵy jaǵdaı. Eki eldiń prezıdentteri 6-11 qarasha aralyǵynda Vetnamnyń Danang qalasynda ótetin Azıa-Tynyq muhıty ekonomıkalyq yntymaqtastyǵy samıtinde kezdesýleri múmkin.
«Biz Pýtınmen kezdesý ótkizdik. Jáne taǵy kezdesýimiz múmkin. Pýtın biz úshin óte mańyzdy. Óıtkeni, olar bizge Soltústik Koreıa jáne Sırıamen aradaǵy qarym-qatynastyń sheshilýine kómektesedi. Ári Ýkraına týraly da sóılesýimiz kerek», - dedi Donald Tramp.
Aldaǵy ýaqytqa Tramptyń on kúndik sapary josparlanǵan. Ol Japonıa, Ońtústik Koreıa, Qytaı, Vetnam jáne Fılıppın elderine is-saparmen barady.
