Asqar Jumadildaev jaqyn arada qabyldanǵan latyn álipbıine qatysty óziniń pikirin bildirdi, - dep habarlaıdy Qamshy.kz aqparat agenttigi. Ol eger latyn álipbıi osylaı apostrof kúıinde qala beretin bolsa balalaryn orys mektebine aýystyratynyn aıtty. Asqar Jumadildaevtiń latyn álipbıin synǵa alǵan vıdeosy feısbýk áleýmettik jelisine jarıalanǵan.
«Keshe bireý «Abaı jolynyń» 27 betin aýdaryp qoıǵanyn aıtyp, maqtanyp otyrdy. Keremet! Mátindi kırılısadan kúni keshe qabyldanǵan latynǵa aýdarý ońaı, al latynnan kırılısaǵa nemese aǵylshyn tiline eshqashan aýdara almaısyń. Sebebi kompúter apostrafty qabyldamaıdy. Eger bul álipbı enetin bolsa eshkim qazaqsha jazǵysy kelmeıdi. Eger bul álipbı qoldanylatyn bolsa men balalarymdy orys mektebine aýystyryp jiberemin. Óıtkeni bul nusqamen bilim alý múmkin emes. Bul máselege negizi matematıkalyq turǵydan qaraıtyn bolsaq óte qarapaıym dúnıe. Qazaq tilinde óz ornyn taba almaı júrgen 8 tól árpimiz bar. Bul áripterdiń jazylýyn kim oılap tapty? Oılap tapqan Ahmet Baıtursynov syndy maıtalman jandar edi. Qazaqtyń naǵyz janashyr zıalylary oılap tapty. Mysaly qazaqtyń «á» áripin alaıyqshy. Bul árip eshqandaı elde, ultta joq. Bul áripti bireýler «AE» dep jazamyz dedi, endi «A’»etip bir áripti eki belgimen jazatyn boldyq. Joǵarydaǵy nusqanyń qandaı aıyrmashylyǵy bar? Eshqandaı aıyrmashylyǵy joq. Jazbasha túrde de bir áripti eki ret jazatyn bolamyz. Bizdiń tól áripterimizdiń sany 2 esege kóbeıetin bolady.
Biz «Á» áripine balama jasaı almaımyz, jaı ǵana bul áripti ári qaraı da qoldana bereıik. Birinshiden, biz bul áripke úırenip kettik, ekinshiden, bizge bul árip yńǵaıly. Bul árip IýNIKOD júıesinde bar. Men bul nusqalardy kim oılap shyǵaryp jatqanyn bilmeımin de, túsinbeımin. Bul nusqany qoldaıtyn adamdardy da túsinbeımin. Stýdentter de bul nusqany qoldaıdy dep aıtyp jatyr, olar tipti bul nusqany túsinbeıdi, tipti bilmeıdi. Bul – shyndyq. Osy nusqamen «Igıgaı» nemese «inilerimizdiń sharýasyn bitireıik», — dep jazyp kórińizder. Bul sózderdiń jazbasha túrin kórgennen keıin halyq eshqashan qazaq tilinde jazǵysy kelmeıdi. Ásirese matematıka salasynyń mamandary qazaq tilin múldem qoldanbaıtyn bolady. Latyn álipbıine kóshýdiń basty maqsaty qazaqtyń tól áripterin saqtap qalý bolatyn. Biraq biz bul álipbı nusqasyna kóshý arqyly qazaqtyń tól áripterin de, dybystaryn da joǵaltatyn bolamyz. Osyndaıda «Qudaıdan múıiz suraımyn dep, qulaǵynan aıyrylypty», — degen qazaqtyń maqaly eske túsedi. Bulaı bolmaıdy», — dep pikir bildirdi Asqar Jumadildaev.
