Almatyda kólik reformasy jáne qoǵamdyq kólik júıesin turaqtandyrý aıasynda jyljymaly sostavty jańalaý jumystary júrýde. Ózge tasymaldaýshylar sıaqty «Avto Alma Trans» JSHS Evro-5 ekologıalyq synypty jańa avtobýstar aldy. Almaty ákimi Baýyrjan Baıbek búginen bastap №65 baǵyty boıynsha qyzmet kórsetetin jańa avtobýstardy qarap shyqqan bolatyn, dep habarlaıdy Qamshy.kz aqparat agenttigi Almaty qalasy ákimdiginiń baspasóz qyzmetine silteme jasaı otyryp.
«AvtoAlma Trans» JSHS-i bas dırektorynyń orynbasary Qanat Nurlybekov eń aldymen №65 baǵyt jańa kólikke almastyrylǵanyn, óıtkeni, osy baǵyt boıynsha turyǵndardan kóp shaǵym túskenin aıtty.
«Búgingi kúni bizdiń avtoparkte 10 baǵyt boıynsha 150 kólik birligi bar. Jyl aıaǵyna deıin biz taǵy da 44 jańa avtobýs lamyz, 2018 jyldyń birinshi toqsanynda jańa avtobýstar sanyn 112-ge deıin jetkizemiz. Jınaqtalǵan ınvestısıa 4 mlrd. teńgeni quraıdy», - dedi Q.Nurlybekov.
Tasymaldaýshy syıymdylyǵy 70 adamdaı bolatyn Evro-5 ekologıalyq synyptaǵy Yutong markaly avtobýstardy aldy. Avtopark ókiliniń aıtýynsha, «ONAI» elektrondy bıleti jáne saralanǵan tarıftiń arqasynda jolaýshy legin men ár baǵyt boıynsha qansha tabys túsetindigi belgili bolýda ári ákimdiktiń sýbsıdıalyq qoldaýy barysynda jańa avtobýstar alýǵa múmkindik týýda.
Almatyda kólik reformasy jáne qoǵamdyq kólik júıesin turaqtandyrý aıasynda jyljymaly sostavty jańalaý jumystary júrýde. Almaty qalasy Jolaýshylar kóligi jáne avtomobıl joldary basqarmasynyń aqparaty boıynsha ótken aptada №103 baǵyty boıynsha 12 metrli tómen edendi 20 avtobýs jolǵa shyǵypty. Jeti kún ishinde 1,8 mln. teńge tranzaksıalanyp, jolaýshylegi ótken kezeńdermen salystyrǵanda 3 ese ósken, kólik jıiligi 100%-ǵa jetken.
«Almatyelektrotrans»JSHS satyp alatyn 297 kóliktiń 20 avtobýsy bıyl keldi, qalǵandary eki aı ishinde kezeń boıynsha jetkiziletin bolady.
Bulardan ózge, jeke tasymaldaýshylar syıymdylyǵy ártúrli 254 avtobýs alýdy josparlap otyr. «BaTý Trevel» JSHS, «AvtoAlma-Trans»JSHS, «Madına»JSHS, «TalapT»JSHS, «Samat Trans» JSHS, «Green bus company»JSHS syndy asymaldaýshy- kompanıalar alǵan kólikter keste boıynsha kele bastady.
«Green bus company» JSHS buryndary Yutong markaly 50 jańa avtobýs alǵan bolatyn, olar qazirgi kezde №50,112,126 baǵyttary boıynsha sapaly qyzmet kórsetýde. Bir apta ishinde №112 baǵyttaǵy jańa avtobýstarda jolaýshy legi eki ese ósti.
