Tórt jyl boıy kúzetshi bolyp jumys isteıtin Beksultan esimdi azamat - sońǵy jyly qyzmet etip júrgen túngi klýbtyń kelýshileri týraly aıtyp berdi. Bul týraly Qamshy.kz aqparat agenttigi  vastane.kz «Instagram» paraqshasyna silteme jasap jazady. Klýbtyń kelýshileri kóbine ishimdik ishý úshin keledi:

-«Túngi klýbta kúzetshi bolyp júrgenime bir jyl boldy jáne meniń kásibim eń kerekti qyzmetterdiń biri ekendigine shúbám joq. Áıel, erkek nemese laýazymyna qaramaı, iship alsa kez kelgen adam qadir-qasıetinen jurdaı bolary jasyryn emes. Sondaı jaǵdaıda meniń óte qatty eńbektenýime týra keledi. Óıtkeni olar bir-birimen tóbelesip nemese basqa nárselerdi búldirmesin dep qarap júremin»

Beksultannyń aıtýynsha ol qanshama ret tóbeleskenderdi ajyratýmen bolǵan.

-«Jasy kelgen, baı, joǵary laýazymdy erkekter  kóbine bizdegi vıp bólmelerdi jaldap, ózderin óte ádepsiz ustaıdy. Qyzdardyń kózinshe bir-birin balaǵattap, artynan tóbelesip, klýbtyń tárelkesi bar ma, qymbat qor-qor bolsyn, jıhazdardy da syndyra beredi. Biraq, shyny kerek, olar zaqymdaǵan zattardy úsh ese baǵamen klýb ıelerine qaıtaryp, tólep beredi».

Kúzetshi áńgimesinen qyzdar da tys qalǵan joq. Onyń aıtýynsha:

-«Erkektiń mahabbaty jetispegen qyzdar, ortaǵa shyǵyp alyp bıleıdi. Mundaı kezde olardy toq uryp jatqandaı kórinedi. Sońǵy kezderi iship alǵan qyzdardyń bir-birimen súıisip jatqandyǵyn baıqaıtyn boldym. Meniń oıymsha, olar bir-birin súıgendikten emes, basqalardyń nazaryn aýdarý úshin osyndaı áreketke baratyn sıaqty».

Onyń ústine, sońǵy kezderi qyzdardyń ishinde de ózin óte nashar ustaıtyndary bar eken.

-«Máselen, qyzdarǵa aqyryn ǵana baryp, eskertpe jasaǵanda olar baj etip ózińe aıǵaılap beredi. Tipti, maǵan qol ala júgirgenderi de boldy. Klýbtan júre almastaı halge jetip, mas bolǵan qyzdardy syrtqa shyǵarǵanymda da olar artymnan aıǵaılap qalatyn».

Beksultan ondaı qyzdarǵa qatty ashýlanbaı, túsinýge tyrysatynyn aıtady. Alaıda ol qyzdardyń basqa «sylqym» tobyna qatty jyny keletinin jasyrmady.

-«Klýbqa qaltaly azamattardyń basyn aınaldyrýǵa keletin «sylqym sulýlardyń» basty maqsaty týraly klýb qyzmetshileriniń barlyǵy biledi. Olar barǵa baryp sýsynǵa tapsyrys beredi. Olar únemi eki-ekiden júredi jáne bir-birimen selfı jasaıdy»,- deıdi kúzetshi.