Adam ólimnen keıin óziniń qaıtys bolǵanyn sezedi jáne aınalasynda ne bolyp jatqanyn túsinedi eken, - dep habarlaıdy Nú-Iork ýnıversıtetiniń janyndaǵy Langone medısına mektebiniń (NYU Langone School of Medicine) ǵalymdary. Bul týraly Qamshy.kz aqparat  agenttigi RIA Novostıge súıene otyryp jazady.

Dárigerlerdiń anyqtamasy boıynsha, ólim mıǵa qan barmaı, onyń jumysy birden toqtaǵan sátte bolady. Osydan keıin mıdiń jasýshalary óle bastaıdy. Zertteý júrgizýshi Sem Parınanyń sózinshe, bul klınıkalyq ólimnen keıin birneshe saǵat óte bolatyn proses eken. 

Oǵan qosa, júrek toqtaǵanymen adamnyń sanasy birden óshpeıdi. Adamdar «ólimniń alǵashqy fazasynda» tirshilik belgilerin kórsete alady. Júregi toqtap qalyp, klınıkalyq ólimdi kórgen adamdar ózderimen ne bolǵanyn tolyq aıta alýy osyǵan dálel. 

«Olar dárigerler men medbıkelerdiń qalaı jumys istep jatqanyn sezip, olardyń sózderin estip jatady eken. Basqasha olar aınalasynda ne bolǵanyn esh jerden bile almaıtyn edi», - dep atap ótti Parına.

Zertteýshiniń aıtýynsha, bul eske alýlardy dárigerlerdiń ózderi rastap, is júzinde óldi degen adamdardyń aınalasyndaǵy jaǵdaıdyń búge-shúgesine deıin aıtyp bergenine tańdanady eken.