Astana qalasy Saryarqa aýdanynyń №2 aýdandyq soty R. G. Gaısınge qatysty sot úkimin shyǵardy, dep habarlaıdy Qamshy.kz aqparat agenttigi.
Astana qalasy sotynyń baspasóz qyzmetiniń málimdeýinshe, kúdikti QR QK 174-baby 1-bólimine sáıkes 3 jyl 6 aıǵa bas bostandyǵynan aıyryldy, ári maskúnemdikten emdelýge nusqaý berildi.
Sot otyrysynda azamat óz qylmysyn moıyndady.
Sottyń anyqtaýynsha, R.G. Gaısın Astana qalasy Pobeda dańǵyly boıyndaǵy aıaldamada ilinip turǵan plakatqa óz qolymen «Qazaqtardy ıtshe qyrý kerek» dep jazǵan. Azamattyń bul jazbasy halyqtyń synyna ushyrady.
Úkim zań kúshine áli engen joq.
