AQSH-tyń Tehas shtatynda Sazerlend-Sprıng qalashyǵynda baptısik shirkeýge kelýshiler belgisiz er adamnyń qurbany boldy. Shirkeýge áskerı  kıim kıgen er adam adamdarǵa oq jaýdyrǵan. Dál sol ýaqytta shirkeýde 50 adam bolǵan. Atys barysynda 26 adam qaza taýyp, taǵy on adam jaralanǵan. Qaza tapqandar men zardap shekkender arasynda balalar da bar. BBC  habarlaǵandaı, zardap shekkender aýrýhanaǵa jetkizilgen.

The Guardian basylymynyń jazýynsha, shabýyl jasaýshy amerıkalyq azamat ózin-ózi óltirgen, alaıda basqa derekterge qaraǵanda ony polısıa atyp tastaǵan.

Bir qyzyǵy, memleket bıligi bul shabýyldy terorıstik áreket dep sanamaıdy. FBI uıymy shabýyl jasaǵan Devın Kellıdiń terorıstik uıymdarǵa qatysy bar ma, ekstremıstik toptarmen baılanysy bar-joǵyn anyqtap jatyr.

Oqıǵa kýágerleri mundaı jaǵdaıdan qatty shoshyp qalǵan. Atysty estigen kýágerdiń biri mundaı kishkene qalyshyqta osyndaı jaǵdaıdyń oryn alýy qorqynyshty nárse deıdi.