Tutynýshylar ulttyq lıgasynyń prezıdenti Svetlana Romanovskaıa «Magnum» sýpermarket jelisinde taraǵan vıdeoǵa baılanysty pikir bildirdi. Bul týraly zakon.kz habarlady, dep jazady Qamshy.kz aqparat agenttigi.
Onyń aıtýynsha, kem ólsheý boıynsha QR Ákimshilik quqyqbuzýshylyq týraly kodekstiń 190-babyna sáıkes jazalaý ádisteri qaralady.
«Foto men vıdeo sotta dálel túrinde kórsetiletin bolady. Tutynýshy mindetti túrde polısıaǵa barǵany jón. Birinshiden, oǵan qaıta esepteý jasatýy tıis, ekinshiden, ol múliktik zıan úshin ótemaqy talap etýge qaqysy bar. Eger ol Ulttyq tutynýshylar lıgasyna aryz túsirse, biz atalmysh jazbaǵa sáıkes osy ýaqytqa deıin shujyq satyp alǵan barlyq adamdarǵa ótemaqy tóleýge mindetteımiz», - dedi Romanovskaıa.
Tutynýshyny aldaǵany úshin aıyppul kólemi 112 100 teńgeni qúraıdy.
Búginde dúkenderdiń bári derlik tutynýshylardy aldaıtyny aıtylyp júr. Romanovskaıanyń aıtýynsha, etıketkalardaǵy satylym kúnderi men jaramdylyq merzimderi jalǵan bolýy múmkin. Ulttyq tutynýshylar lıgasy tutynýshylardy aldaǵan dúkender jelisine qatysty sotqa talap aryz daıyndaıdy.
