Qazaqstan Respýblıkasy Mádenıet jáne sport mınıstrligi Tilderdi damytý jáne qoǵamdyq-saıası jumys komıteti 2017 jyldyń 15 qarashasynda «Memlekettik tildi oqytý ádisnamasyn jetildirý men standarttaýdy iske asyrý joldary» taqyrybynda respýblıkalyq onlaın semınar-trenıng ótkizedi dep habarlaıdy Qamshy.kz aqparat agenttigi.

Semınar-trenıngtiń maqsaty – memlekettik tildi oqytý ádisnamasyn jetildirý men standarttaý joldaryn onlaın rejımi arqyly júzege asyrý, ozyq tájirıbeni zerdeleý jáne oqytýdyń zamanaýı ádisteri men tehnologıalaryn qoldanysqa engizý.

Semınar-trenıngke QR Mádenıet jáne sport mınıstrligi Tilderdi damytý jáne qoǵamdyq-saıası jumys komıtetiniń qyzmetkerleri, Memlekettik tildi oqytýdyń óńirlik ortalyqtarynyń mamandary, ǵylymı-ádistemelik keńes músheleri, ǵalymdary men til mamandary qatysady.

Semınar-trenıng barysynda ádisker-ǵalymdar onlaın rejımi arqyly memlekettik tildi oqytýdyń tıimdi tehnologıalarymen bólisedi. Tilderdi oqytý ortalyqtary men respýblıkaǵa belgili úzdik ádiskerler sheberlik sabaqtaryn onlaın rejımde kórsetedi.

Semınar Astana qalasynda QR Mádenıet jáne sport mınıstrligi ǵamaratynda ótedi.