Bes balanyń ákesi 6-shy qarashada túnde qoqys salatyn jáshikten sábı taýyp aldy dep jazady Qamshy.kz aqparat agenttigi "Moı GOROD"-qa silteme jasap.

Er adam keshki astan keıin saǵat 23.00-de páter dálizine temeki shegýge shyǵady. Birneshe bala júgirip kelip, qoqys jáshiginen birtúrli dybys shyǵyp jatqanyn aıtady.

«Men jáshikke jaqyndadym da shyǵyp jatqan daýysty muqıat tyńdadym. Ol balalar aıtqandaı mysyqtyń daýysy emes, sábıdiń jylaǵany ekenine kózim jetti. Telefonymnyń shamyn jaǵyp qaradym. Qoqys salatyn dorbanyń ishinen sábıdiń daýysyn estidim. Balany alyp shyqtym. Onyń ústi qan boldy. Kindigi de kesilmegen. Men qyzdy kúrtesheme oradym da úıge alyp keldim» deıdi Nursaıa shaǵyn aýdanynyń turǵyny.

Er adam birden 102 qyzmetine habarlasyp jedel járdem shaqyrdy. Dárigerler sábıdiń kindigin kesip, aýrýhanaǵa alyp ketti.

«Búgin áıelimiz ekeýmiz perzenthanaǵa bardyq. Jórgek, sút satyp aldyq. Sábıdi qolymyzǵa ustap kórdik. Ol bizdi tanyǵan sıaqty» deıdi er adam.

Qyzdy taýyp alǵan otbasynda 5 ul tárbıelenip jatyr. Úlkeni kolejde oqıdy. Ortanshysy Almatydaǵy sport mektepte bilim alyp jatyr. Eki uly №37 mektepte oqıdy. Eń kishisi 9 aılyq.

Er adam 1993 jyldan beri munaı kompanıasynda operator bolyp jumys isteıdi.