Ońtústik Qazaqstan oblysynda polıseıler 13 jyl burynǵy kisi ólimin ashty, - dep habarlaıdy Zakon.kz oblystyń İİD baspasóz qyzmetine silteme jasap.
Shardara aýdandyq ishki ister bóliminiń jedel qyzmetkerleri jergilikti turǵyndy óltirip, izdeýde júrgen 36 jastaǵy Ózbekstan azamatyn ustady. 2004 jyly Shardara aýdandyq ishki ister bólimine jergilikti turǵyndardan Shardara ózeniniń mańyndaǵy 50 km jerde qamys arasynda belgisiz azamattyń azaptap óltirilgen máıiti tabylǵany týraly habar kelip túsken.
Polıseıler tekserý barysynda jábirlenýshiniń kim ekenin anyqtady. Mehanıkalyq asfıksıa nátıjesinde qaıtys bolǵan Maqtaral aýdanynyń 1961 jyly týǵan turǵyny eken. Atalǵan jaıt negizinde «kisi ólimi» boıynsha qylmystyq is qozǵaldy.
Kúdiktilerdi anyqtaý barysynda polısıada qylmystyq is qozǵalyp, ishki ister organdary qurylymdaryna jáne Qazaqstan Respýblıkasynan tys jerlerge izdeý jarıalandy. Arada 13 jyl ótken soń Shardara aýdandyq ishki ister bóliminiń polıseıleri kisi ólimine qatysty kúdiktiniń Ózbekstan Respýblıkasynda jasyrynyp júrýi múmkin ekenin anyqtady. Kórshi memleketke arnaıy jedel-tergeý toby jiberilip, jedel-izdestirý is-sharalarynyń barysynda kúdikti retinde 1981 jyly týǵan Ózbekstan azamatyn ustady. Qazirgi tańda Mınsk konvensıasyna sáıkes qylmystyq is prosesýaldy sheshim qabyldaý úshin Ózbekstan Respýblıkasyna jiberildi, - delingen habarlamada.
