Almaty ákimi Baýyrjan Baıbek Almatyda 500 teńgege tústenýge bolatynyn aıtqan edi. Qamshy.kz aqparat agenttiginiń jýrnalısi Almaty dámhanalarynyń baǵalaryn bilip, qalada 500 teńgege tamaqtaný qanshalyqty múmkin ekenin tekserip kórdi. Nátıjesi tómendegideı.
- «Qaǵanat» asqanasy. Munda laǵman 475 teńge turady. Al jarty porsıasy – 375 teńge. Varenıktiń jarty porsıasyn 215 teńgege satyp ala alasyz. Al sorpa baǵasy 345 teńgeden bastalady. Atalmysh asqanany qalanyń kez kelgen jerinen kezdestirýge bolady.
- «Taǵam» dámhanasy. Munda mantynyń bireýi 100 teńge turady. 4 manty alyp, qalǵan 100 teńgege shaı ishe alasyz. 30 teńgeńiz ózińizde qalady. Sorpany 250 teńgege ishe alasyz. Atalmysh dámhana Qonaev kóshesinde ornalasqan.
- «Basilic» dámhanasy. Shevchenko kóshesinde ornalasqan. Munda sorpa 85 teńgeden bastalady. Tushpara – 450 teńge.
- «Dostar» kafesi. Munda suıyq taǵamdardy 450 teńgege satyp alasyz. Laǵman – 550 teńge turady.
- «Úrimji» asqanasy. Munda laǵmannyń túr-túrine tapsyrys bere alasyz. Onyń eń qymbaty – 500 teńge.
Osydan shyǵatyn qorytyndy – eger qaltańyzda 500 teńgeńiz ǵana bolsa ash qalmaısyz. Almatyda atalmysh sommaǵa dámdi ári toıymdy tamaq jeýge bolady. Tek tústenetin oryndy durys tańdasańyz bolǵany.
