Almatyda №77 avtobýstar baǵyty qaıta jańǵyrdy, dep habarlaıdy Qamshy.kz aqparat agenttigi Almaty qalasy ákimdiginiń baspasóz qyzmetine silteme jasaı otyryp.

Almatyda kólik reformasyn jáne qoǵamdyq kóliktiń turaqty júıesin qalyptastyrý maqsatynda qozǵalmaly sostav jańarý ústinde. Jumys sapary barysynda Almaty ákimi Baýyrjan Baıbek №77 baǵyty boıynsha qyzmet kórsetýdi bastaǵan «LıAZ» markaly jańa avtobýstrady kórdi.

Jeke tasymaldaýshy bul baǵytty rentabelsiz dep jaýyp tastaǵan edi. Alaıda, qalanyń Jolaýshylar kóligi jáne avtomobıl joldary basqarmasy Jetisý aýdany turǵyndary úshin bul baǵytty qaıta jańǵyrtty, endi kólik «Almaty-1» temirjolvokazlynan Osıpenko – Jansúgirov kóshelerin,Rysqulov daǵylyn, Kýderın – Rozybakıev kósheleri men Ál – Farabı dańǵylyn qamtıtyn bolady, sońǵy aıaldama «Arman» avtobeketi.

Bul baǵytqa qyzmet kórsetý úshin «Almatyelektrotrans» JSHS «Evro-5» ekologıalyq synyptaǵy tómen edendi 16 jańa avtobýstardy bólgen, bulardyń barlyǵy kondısıonerlermen,pandýstarmen, vıdeobaqylaý kameralarymen jabdyqtalǵan.

Qalanyń Jolaýshylar kóligi jáne avtomobıl joldary basqarmasynyń basshysy Maqsut Isahov aıtyp ótkendeı, bul baǵyttaǵy jolaýshy legi táýligine 10 myń adam.

«Jalpy, «OŃAI» kartasy boıynsha kúnine mıllıonǵa jýyq tranzaksıaǵa qol jetýde, ósim 50 myń, tranzaksıa baǵyttardy kóbeıtý jáne jyljymaly sostavty jańartý jumystarynyń jáne basqa da kólik reformasy elementterin atqarý barysynda qoǵamdyq kólikti paıdalanýshylar qatarynyń óskenin kórsetti», - dedi M.Isahov.

Esterińizge salsaq, qazan aıynyń sońynda Alataý aýdanynyń turǵyndaryn tasymaldaıtyn 20 jańa avtobýs №103 baǵyty boıynsha jolǵa shyqqan edi.

Bulardyń sońyn ala «Green bus company» JSHS 50 avtobýs alǵan bolatyn, jeke tasymaldaýshy «Avto Alma Trans»JSHS №65 baǵyty boıynsha jańa avtobýstardy shyǵardy.

Bıylǵy jyly Almatyda 388 avtobýs alýǵa qarjy bólingen bolatyn, olardyń 132 – i baǵyttar boıynsha qyzmet kórsetýde, qalǵan 256 –y jyl aıaǵyna deıin jolǵa shyǵady.

Jeke tasymaldaýshylar 254 avtobýs alýda, olardyń 79-y baǵyttar boıynsha júr, jyl aıaǵyna deıin taǵy 63 avtobýs jolǵa shyǵady, qalǵan 112 kólik 2018 jyldyń naýryz aınyda qyzmet kórsetýdi bastaıdy.