Ótken aptalarda orystyń ataqty oqymystysy Leonıd Kıtaev-Smyktyń suhbaty orys baspasózinde úlken dúrbeleń týǵyzdy. Profesor áıeldi jappaı jalańashtap jatqan qazirgi modanyń sebep-saldaryn óz betimen zerttep kórip, qorqynyshty qorytyndy jasaǵan. Áıeldiń áýretin kórsetetin qazirgi sán úlgileri adamzatty azǵyndyqqa ıtermelep, túbi apatqa ushyratady. Bizbudan bas tartpasaq, Qudaıdyń qaharyna qalyp, álem arenasynan joǵalyp ketýimiz múmkin dep eskertipti orys oqymystysy. Onyń suhbatyn qyzyq bolar degen oımen qazaq oqyrmanyna aýdaryp berip otyrmyn..

-Siz bul taqyrypty nelikten tańdap aldyńyz? -Meniń kitabym sońǵy kezderi jıilep ketken kúızelis máselelerine arnalǵan. Ásirese erkekter men áıelder arasynda onkologıa aýrýlaryn týdyratyn sebepterdi anyqtaýǵa tyrystym. Sońǵy on jylda eýropa men amerıkadaǵy er-azamattar qýyq bezderiniń qabynýy men rak sıaqty aýrýlarǵa jappaı shaldyǵyp jatyr. Qazir álemdegi erkekterdiń teń jartysynan adenoma tabylyp otyr. Al AQSH-ta patalogoanatomdar erkekterdiń 80 paıyzynan osy derttiń belgilerin anyqtady. Olardyń kóbi aýrýynyń asqynǵan shaǵyna jetpeı qaıtys bolǵan eken. Bir qyzyǵy, musylman elderindegi er adamdar arasyndaǵy onkologıada múlde ósim joq.. - Nelikten bulaı bolyp jatyr? Batys elderinde medısına jaqsy jetilgen, ómir súrý deńgeıi de áldeqaıda jaqsy.. - Sońǵy on jylda moda áıel denesiniń áýretin kórsetip, ony jappaı jalańashtap jatyr. Kindigi men qarnyn kórsetip júrý qalypty jáıtqa aınalyp barady. Denesine jabysqan djınsy kıý sánge aınaldy.. Men bularǵa dáriger, fızıolog retinde kóz salamyn. Bul eń aldymen áıelderdiń ózderine qaýipti. Sebebi mundaı «jeńil júristiń» sońy aýrýǵa alyp keledi. Al erkektiń ol nápsisin oıatady. Qalada ómir súretinder kúnine osyndaı 100-200 áıelge suqtanyp qaraıdy eken. Osydan keıin kez-kelgen erkekte qumartý sezimi paıda bolady. İske aspaǵan qumarlyq sezimi qandaǵy androgenniń kólemin kóbeıtedi..Bul túbi ártúrli aýrýlarǵa alyp keledi. Óıtkeni ol adamdy ishteı jegideı jeıdi. Osydan keıin deni saý er-azamat óz basyna saý jerden saqına taýyp alady..Máselen, jan-janýarlardyń urǵashysy erkegin izdegende tek kúshtilerimen ǵana shaǵylysady. Álsizderin qabyldamaıdy. Shaǵylysa almaǵan álsizderi keıin «ımpotent» bolyp qalady. Tabıǵat ózi osylaısha bárin rettep otyrady. Qazir ǵylym mundaı prosesterdiń adamdy da aınalyp ótpeıtinin anyqtap otyr. Sán álemindegi erkektiń nápsisin qozdyratyn qubylystardyń barlyǵy jappaı «seksýaldyq strestiń» týýyna túrtki bolýda. Osynyń kesirinen «eleýsiz qalǵan» adam aǵzasy ózin ishteı kúızeliske túsiredi.. – Batystyń baı ári damyǵan elderiniń ólip-óship quldyrap bara jatqanynyń sebebin osydan izdeýge bola ma? – Iá, árıne. Bul óte mańyzdy tetikterdiń biri. Qazir men mynandaı qorytyndyǵa kelip, ony búkil buqaraǵa jetkizýge talpynyp jatyrmyn: Áıel denesin jalańashtaýǵa baǵyttalǵan moda-eýropalyqtardy qurdymǵa áketip barady. Olardyń ornyn ádep pen aryn saqtaǵan, sonymen birge er-azamattaryn da ardaqtaı biletin álemdegi basqa halyqtar basatyn bolady. Men musylman halyqtaryn meńzep otyrmyn.. – Solaı deıikshi, biraq Afrıkada, Azıa men Ońtústik amerıkada jartylaı jalańash qana emes, múlde jalańash júretin júretin halyqtarda barǵoı..Bul jaqta klımat ystyqtaý..Olardyń jaǵdaıy qalaı bolady? -Men sizge qarsy suraq qoıaıyn..Siz olardyń mádenı deńgeıin nelikten bizben salystyryp otyrsyz? Kóne grekter men rımdikterde áıeldiń jalańash denesine suqtanatyn kúlt bolǵanyn bilesiz. Bul olardyń túbine jetti. Qaıda qazir olar? Ekeýi de álem kartasynan birjola joǵalyp ketti. Olardy soǵys joıǵan joq, óz ishterinen irip-shirip, joq boldy..Quran men İnjilde aıtylatyn Soddom men Gomorra týraly eskertýler osyǵan mysal. Olar tabıǵattyń zańdylyǵyna qarsy shyǵyp, nápsiniń jetegine ergennen keıin sondaı kúıge tústi. Sol sodomızmniń belgileri qazir búkil álemde qaıta bas kóterip jatyr..Gomoseksýalızm sonyń bir kórinisi..Biraq ata-babalarynyń dástúrine adaldyqtarynan aınymaǵan halyqtar áli de bar. Qazirgi slavándardyń arǵy babalary da osyndaı bolatyn. Bizdiń kıimderimiz áıelderimizdiń denesin túgel jaýyp turǵan. Ádep pen ardan atamaǵan olardyń sol kıimderi qandaı keremet edi! Al qazirgi áıelderdiń kóbi berisi tósterin ashyp, arysy aıaqtary men sandaryn jalańashtap, erkekterdiń kózine túsý úshin bir-birimen jarysyp jatyr. Olar osylaısha «jappaı joıýǵa arnalǵan qarýdy» óz qoldarymen iske qosqandaryn sezbeı júr. – Quryp bara jatqan batysqa eliktemes úshin Reseı naqty ne isteýi kerek? Bizde bir qıyndyq bar..Osynsha úlken aımaqty bir ǵana emes, birneshe ulttar men ulystar meken etedi. Kóne rımdikter men grekter sıaqty jolǵalyp ketpes úshin barlyǵyz bas qosyp birdeme istıeı alamyz ba? – Árıne. Memlekettiń tizginin ustap otyrǵandar «Modany sál-pál ózimizdiń eski dástúrimizge qaraı buraıyq!» degen uran tastasa jetip jatyr. Dinnen bastaý alatyn mundaı mádenı dástúr barlyq halyqtarda bar..Olardy qaıta túletýimiz kerek. Kóp nárse ásirese buqaralyq aqparat quraldarynyń belsendiligine baılanysty…. -Bári bizdiń basshylardyń qolynda eken. Olar úlgi kórsete ala ma? -Qytaı qazir bárin kıindirip jatyrǵoı..Tapsyrys tússe olar qandaı kıim bolsyn tigip beredi..Tek nıet bolsa bolǵany..

Suhbatty aýdarǵan: Jolimbet Makishev‎(Facebook paraqshasynan)