«Attila Group» kompanıasy tegin konverter jasaýshylarǵa 10 mıllıon teńge usynady.

Asa qadirmendi, oqyrman! Jaqynda ǵana Elbasynyń jarlyǵymen latyn grafıkasyna negizdelgen qazaq álipbıiniń nusqasy qabyldanyp, qazaq tili 2025 jylǵa deıin latyn grafıkasyna aýysatyny belgili boldy. Osyǵan baılanysty Mádenıet jáne sport mınıstri Arystanbek Muhamedıuly qazaq álipbıiniń konverterin jasaýǵa 56 mıllıon teńge qarastyrylyp jatqanyn jarıalaǵan.

Al, 11 qyrkúıekte parlamenttik tyńdaýda «Memlekettik tildiń birińǵaı standartty álipbıiniń konverterin» usynǵan «Attila Group» kompanıasynyń ókili konverter jobasynda atqarylýǵa tıis jumystar týraly Qamshy.kz portalynda «Konverter degen bir áripti bir áriptiń ornyna qoıa salý emes» degen maqala jarıalaǵan.

#56mıllıonneúshin? degen heshtegpen facebook áleýmettik jelisinde ózderin programmıst dep ataǵan Arshat Oraz, Yrymbek İzǵalı, Raıymbek Egemberdıev jáne Nurlan Qulymbetov, Meihua Zheng(Gúlim Orazbaeva), Beısen Ahmetuly sekildi áleýmettik jeli qoldanýshylary «konverter jobasyna eshqandaı qarjy ketpeıdi, «Attila Group» kompanıasy jalǵan smeta jasap otyr» dep málimdedi. Rymbek İzǵalı myrza «Azattyqqa» bergen suhbatynda konverterdi eshqandaı qarjysyz, 2 saǵat ýaqytta jasaýǵa bolatynyn kórsetti.

Osy qısynǵa súıensek, kırıll-latyn, latyn-kırıll, tóte-latyn, latyn-tóte álipbıleriniń(Baıtursynuly álipbıi) konverterin ázirleýge bar-joǵy 8 saǵat ýaqyt ketedi. Sondaı-aq, «konverter degen bir áripti bir áriptiń ornyna aýystyra salý» (Nurlan Qulymbektov) qaǵıdasymen tóte jazýdyń da konverterin jasaý esh qıyndyq ákelmeýi tıis.

Álemde 17 mıllıonnan astam qazaq baryn eskersek, elimizdegi jáne ózge de TMD elderinde qonystanǵan  15 mıllıon qazaq kırıll álipbıin, Qytaıdaǵy 1,5 mıllıon qazaq tóte jazý grafıkasyn qoldanady. Endigi kezekte latyn grafıkasyna negizdelgen qazaq álipbıi boıynsha 17 mıllıon qazaq ortaq álipbıdi qoldanýǵa múddeli. «Dúnıejúzindegi bar qazaqtyń otany — Qazaqstan (– N. Nazarbaev.)» ekenin eskersek, Qazaq eli úsh álipbıde, ıaǵnı, kırıll, tóte, latyn grafıkasyna negizdelgen konverterdi usynýǵa mindetti. V Dúnıejúzi qazaqtary quryltaıynda Elbasy «Qazaq tilin latyn álipbıine kóshirý – ana tilimizdiń jahandyq ǵylym men bilimge kirigýin, ári álem qazaqtarynyń rýhanı tutastyǵyn qamtamasyz etetin biregeı qadam», - degen bolatyn.

Endi, qazaq álipbıleri arasynda ne úshin bir-birine konvertasıa kerektigine qysqasha túsinikteme bere keteıik:

1. Kırıll álipbıinen latyn grafıkasyna konvertasıa jasaý kerektigi aıtpasa da túsinikti.
2. Latyn álipbıine kóshý prosesi 2025 jylǵa deıin jalǵasatynyn eskersek, 2 álipbı qatar qoldanylatyndyqtan, latyn grafıkasynan kırıll álipbıine konvertasıa jasaý qyzmetiniń de qosylýy mindetti. Munda urpaq sabaqtastyǵyn da eskergen jón.
3. Latyn grafıkasynan tóte jazýǵa, tóteden latynǵa konvertasıa jasaý. Qytaıdaǵy 1,5 mıllıon, Elge oralǵan 100 myń qazaq tóte jazýdyń qoldanýshylary bolyp esepteledi. Sondyqtan arǵy bettegi myńdaǵan tarıhı-etnografıalyq jazbalardy ózimizge aýdarý úshin jáne memlekettik saıasatymyzdy, aǵymdaǵy aqparattarymyzdy qandastarymyzǵa jetkizý úshin bul da qazaq memleketiniń mindeti.

          Qazaq álipbıiniń konverteri osy mindetterdiń oryndalýy úshin jasaýly tıis. Memlekettiń árbir tıynyna alańdap otyrǵan azamattar «ár qazaq meniń jalǵyzym» deıtin prınıspti de umytpaǵany jón.

Al baıqaýǵa kelsek, onyń sharty óte qarapaıym.

Qatysýshylarǵa «Attila Group» kompanıasy usynǵan konverter jobasynyń barlyq mindeti júktelmeıdi. Ýaqyt, qarjy talap etetin uıaly telefon qosymshasy, saıttar men broýzerlerge arnalǵan plugin jasaý syndy talaptar qarastyrylmaıdy.  Tek úsh álipbıdegi mátindi bir-birine qatesiz aýdaratyn konverter usynsa bolǵany. Baıqaýǵa qatysýshy programmıstiń qandaı baǵdarlama tilin qoldanatyny, qandaı júıege baǵyttaıtyny óz erkinde.

Baıqaýdyń bastalýy: 11.11.2017. saǵat 22:00. Aıaqtalýy: 13.11.2017 saǵat 14:00.

Ózin programmıst dep ataǵan azamattar konverter jasaý úshin 2 saǵat ýaqyt ketetinin aıtqan bolatyn. Biz jarıalaǵan baıqaý ýaqyty budan 20 ese kóp. Endeshe, barlyq programmısterge sáttilik tileımiz.

Baıqaý qorytyndysy feısbýk áleýmettik jelisinde tikeleı efırde  kórsetiledi. Oǵan 3 fılolog ǵalym qazylyq jasaýy tıis: Qazylar quramyn oqyrmandar men áleýmettik jeli qoldanýshylarynyń usynýyn suraımyz. Abaı joly romanynan, Elbasy maqalasynan(emle qateligi az bolýy kerek), mektep oqýlyǵynan 10 betten 3 mátin alynǵany jón.

Mátinniń durystyǵy 99.5%-dan kem bolmaýy tıis. Iaǵnı 1000 áripke 5 qate «keshiriledi». Latyn álipbıiniń emle erejesi qabyldanbaǵandyqtan negizgi baǵyt kırıll men tóte jazý álipbıleriniń emlesine negizdeledi. Baıqaý qortyndysyna táýelsiz sarapshy retinde qoǵam belsendisi, zańger Aıgúl Orynbek hanymdy shaqyramyz.

Qazaq álipbıiniń konverteri arqyly halyqaralyq normatıvtik qujattar, memlekettik is-qaǵazdary, oqýlyqtar, ádebı shyǵarmalar aýdarylatynyn eskersek, onyń emle zańdylyǵy múltiksiz bolýyna ár qazaq múddeli dep oılaımyz.

Baıqaý ýaqyty aralyǵynda daıyndalǵan konverter baıqaý talaptaryna jaýap berse, «Attila Group» kompanıasy 10 mıllıon teńge syıaqy berýmen qatar konverter jasaý úshin memleketke usynǵan quny 56 mıllıon teńge turatyn jobasynan bas tartady. Eger, osy ýaqyt aralyǵynda qatesiz aýdaratyn konverter usyna almasa  «Attila Group» kompanıasyń atyna aıtylǵan áleýmettik jelilerdegi syn ıeleri halyq aldynda keshirim suraýy tıis. Sebebi, «qazaq álipbıiniń kemeldi konverterin jasaý - ýaqytty, shyǵyndy talap etpeıdi» degen aqparat halyqty adastyrýmen, aldaýmen, qazaq tilin qorlaýmen, memleket bıligin qaralaýmen teń.

Óz kezeginde «Attila Group» kompanıasy álemdegi bar qazaqqa ortaq kemeldi konverter jasaý úshin 56 mıllıon teńgede azdyq etedi degen pikirinen bas tartpaıdy.

Ózin programmıst dep ataǵan azamattar men tegin konverter usynýshylar osy baıqaýǵa qatysý úshin erteń ıaǵnı jeksenbi saǵ. 12:00-ge deıin tizimdelýi tıis.

Tel: +7 707 552 2797

El.poshta: attilakz.team@gmail.com

Qurmetpen, «Attila Group» kompanıasy

Konverter jasaýǵa yńǵaıly bolý úshin álipbı tańbalaryn usynamyz: