Qostanaı oblysynda ózen jaǵasynan paketke salynǵan shaqalaqtyń denesi tabyldy, dep habarlaıdy Qamshy.kz aqparat agenttigi. Jergilikti BAQ-tyń habarlaýynsha, atalǵan oqıǵa 4 qarashada bolǵan.
Qostanaı oblystyq İİD baspasóz qyzmeti atalǵan faktini rastap otyr. 46 jastaǵy er adam Qarasý AİİB-ge ózen jaǵasynan paketke salynǵan shaqalaqtyń denesin taýyp alǵanyn jetkizgen.
«Jedel-izdestirý sharalary barysynda polısıa qyzmetkerleri Qarasý aýylynda turatyn 32 jastaǵy áıeldi kúdikti retinde ustaǵan. Osyǵan baılanysty sot-medısınalyq saraptama belgilendi, sotqa deıingi tekserý jumystary júrgizilýde. Fakti Sotqa deıingi tergep-tekserýdiń biryńǵaı tizimine engizilgen», — delingen málimdemede.
Pikir qaldyrý