Búgin, 28 qazan kúni «Enshi» zıatkerlik saıysynyń irikteý kezeńinen ótken 16 saıyskermen trenıń ótkizildi, dep jazady Qamshy.kz.

Balalar bir-birimen tanysyp, bolashaq qarsylastarynyń babyn birinshi kúnnen synap kórýge múmkindik aldy. Ázirge bári baıypty. Ár sózin talǵap sóılep, kóp kósile bermeıdi. Jańa zıatkerlik jobanyń birinshi túsiriliminde bul televızıalyq formatty synap kórý jas bilimpazdar úshin aýyr júk. Baq shaba ma, bap shaba ma? Ony kóre jatarmyz. Qazir olar búgingi kúngi áserlerinen oı qorytyp, erteńgi kúnin paıdaly ótkizýge josparlap jatqany anyq.

Aıta ketsek, keshe 27 qazan kúni elimizdiń ár óńirinen bizdiń saıysymyzdyń qatysýshylary  jınalǵan bolatyn.
Óskemen, Aqtóbe, Túrkistan, Jetisaı, Mańǵystaý, Almaty qalalarynan  bizge jol tartqan saıyskeler tań sáride kelip jetti.
Naǵyz bilgirler men bilimsúıer qaýym úshin "ENSHİ" zıatkerlik saıysy kórermenge jol tartpaq.
Boımen emes, oımen jarysatyn alamanda kimniń asyǵy alshysynan túsedi?
Tórt aınalymnan turatyn bul saıysta súrinbeı ótkender ǵana, "Toǵyz torapta" baqtaryn synap, "jamby atyp", sońǵy aınalymnyń tosyn suraqtarynda boldyrmaı, ENSHİSİN baǵyndyrmaq. 
Tanymaldyqtyń jańa qyry - bilim.