Keıbir adamdar ózi ómirinde bolǵan kez kelgen oqıǵany esine túsire alady. Sizdiń oıyńyzsha bul jaqsy qasıet pe jáne mundaı adamdar qalaı ómir súredi eken?

Bul týraly BBC agenttigi jazady.

«Men ómirge kelgenime 1 apta bolǵanda, meni qyzyl oramalǵa orap jatqyzǵany esimde»-deıdi Rebbekka Sherrok.

Meni anam qolǵa alǵan kezde birden sezetinmin, qalaı ekenin bilmeımin, biraq ol men úshin eń qymbat adam bolatyn.

Kóp adamdar óz-ózderin shamamen 4 jasynan bastap tanı bastaıdy, ıaǵnı osyndaı jasta ádette adamǵa es kiredi. Sondyqtan Sherroktyń áńgimesi onyń shynaıy jadysyna baılanysty emes, jáı ǵana fantazıasy men qıalynana týyndaǵan dep oılap qalýyńyz múmkin.

Alaıda 27 jastaǵy Avtsralıa turǵyny Rebekka Sherroktyń jadysy erekshe qalyptasqan. Dárigerler oǵan «gıpertemızıalyq sındrom» degen dıagnoz qoıǵan. Bul degenimiz - avtobıografıalyq jady.

Mundaı sındrom kezinde adam óziniń ómirinde bolǵan jaıttarǵa baılanysty naqty aqparatty esinde saqtaı alady, esine túsire alady.

Olar esh qıyndyqsyz naqty bir ýaqyt aralyǵynda ne istegenin, qandaı kıimde bolǵanyn, qaı jerde bolǵanyn esine túsire alady. Sonymen birge, qoǵamdyq ómirdegi jańalyqtar men óziniń ómirindegi oqıǵalardy vıdeomagnıtafon tárizdi jańǵyrtyp bere alady.

Sherrok bala kezinde barlyq adamdar mundaı qasıetke ıe dep eseptegen. Bir kúni oǵan ata-anasy habarlasyp teledıdardan gıpertımızıalyq sındrommen aýyratyn adamdar týraly baǵdarlama bolyp jatqanyn aıtady. Osydan keıin Sherrok ǵalymdarǵa habarlasyp, 2013 jyly oǵan dál osy dıagnozdy qoıǵan.

Bul sındrom 2000-jyldardyń basynda ashylǵan. Ázirge búkil álemde bul sındrommen aýyratyn 60 adam bar.

Ǵalymdardyń pikirinshe, mundaı adamdardyń mıyndaǵy uzaq jady prosesin retteıtin bólshegi basqalarǵa qaraǵanda úlkenirek jáne zattardy este saqtaýǵa jaýap beretin mı bóligi de jaqsy damyǵan.

Alaıda, Sherrok depressıa men alańdaýshylyqtan zardap shegedi. Onyń «tylsym» jady ony ábigerge salady. Uıyqtaı almaıtyn kezderi de jıi oryn alady. Mysaly, Sherrok bala kezindegi bir esteligi esine túsetin bolsa nemese osydan 3 jyl buryn bolǵan oqıǵa esine tússe, dál sol jaǵdaıdy basynan birenshe ret ótkizgendeı áserde bolady. Iaǵnı, mundaı jaǵdaı qatty sharshatyp, shatastyrady.

Sherrok óziniń tústerin basqara alady. Sondyqtan qorqynyshty túster ony mazalamaıdy.

Qazirgi kezde ol eki ǵylymı-zertteýshilik tájirıbelerge qatysyp jatyr.

Ómiriniń qyzyqty, naqty estelikterin esine túsirip, jadynda saqtaı alǵanmen, onyń jadynda joq bir ǵana jaǵdaı, estelik bar- ol onyń dúnıege kelgen sáti.

«Bul meniń jadymda joq jalǵyz ǵana kún. Esimde joq jalǵyz týǵan kúnim»-deıdi ol.

Keıde onyń jady men sanasy qaıtalana beretin plasınka tárizdi prosesti bastan keshirse de,  Sherrok eshteńe ózgertkisi kelmeıtinin aıtady.

«Meniń aýtızmim ózgeristerdi qalamaıdy. Barlyǵy osylaı qala berse ken deımin. Tek ǵana osy qasıetpen ómir súrýdiń táilderin tapqym keledi». «Osy Rebekkaǵa úırenip qaldym, osyndaı qalypta qala bereıin»-deıdi.