Almatyda qalalyq avtobýs pen jeńil kólik soqtyǵysyp, alty adam aýrýhanaǵa jatqyzyldy, bir adam oqıǵa ornynda qaza tapty, - dep habarlaıdy Sputnik Qazaqstan.
Jol apaty Tátibekov kóshesi boıynda bolǵan. Toyota Mark II kóshe boıymen shyǵys baǵytta kele jatady, al 54-shi baǵdarly avtobýs – batys baǵytta.
Kóktaıǵaq saldarynan avtokólik qarsy bettik qozǵalys jolaǵyna ótip ketken. Avtobýs júrgizýshisi tejegishti basqanymen, Toyota oǵan bar jyldamdyqpen kelip soǵylady. Soqqy saldarynan avtobýs bordúrge shyǵyp ketken.
Oqıǵa ornyndaǵy mańaıda qudyqtan sý aǵyp jatqandyqtan, kóktaıǵaq paıda bolǵan.
Jol apaty saldarynan avtobýs júrgizýshisi men bes jolaýshy zardap shekti. Toyota júrgizýshisi jedel járdem kelgenshe kóz jumǵan.
Pikir qaldyrý