Almaty qalasynda Qazaqstan Respýblıkasynyń Tuńǵysh Prezıdenti – Elbasy kitaphanasy Qazaqstan Respýblıkasy Memlekettik ortalyq mýzeıinde «N. Nazarbaev: dáýir, tulǵa, qoǵam» kóshpeli ǵylymı-bilim berý jáne mádenı-aǵartýshylyq kórme jobasyn usynady. Jobanyń is-sharalary Qazaqstan Respýblıkasy Tuńǵysh Prezıdentiniń Kúni jáne Táýelsizdik Kúni memlekettik merekelerine oraı júzege asyrylady. Ári, Elbasynyń jyl saıynǵy joldaýlary men Qazaqstannyń damýy taqyrybyndaǵy strategıalyq baǵyttary túsindiriledi.

Elimizdiń astanasyn kóshirgen sátten beri 20 jyldyń ishinde alǵash ret Memleket basshysynyń Jeke arhıvi, Jeke kitaphanasy jáne Mýzeıi qorynyń zertteý nátıjeleri men materıaldary Almaty qalasy qalyń jurtshylyǵynyń nazaryna usynylyp otyr. Osy jyldardyń ishinde Astana álemdegi eń tanymal jáne qurmetke laıyq qala mártebesin ıelenip, búginde jahandyq deńgeıdegi mańyzdy sheshimder qabyldanatyn aldyńǵy qatarly ǵylymı jáne mádenı ortalyqqa aınaldy.

Joba atalmysh kóshpeli qor kórmesiniń saltanatty ashylý rásiminen bastalady. Kórmeniń negizgi maqsaty – Qazaqstan Respýblıkasy Tuńǵysh Prezıdenti – Elbasynyń Táýelsiz Qazaqstan taǵdyryndaǵy rólin muraǵat qujattary men jádigerler arqyly júıeli túrde keńinen kórsetý.

Kórmeniń ashylý rásimine Qazaqstan Respýblıkasy Prezıdenti Keńsesiniń bastyǵy – Qazaqstan Respýblıkasynyń Tuńǵysh Prezıdenti – Elbasy kitaphanasy dırektorynyń mindetin atqarýshy Mahmut Qasymbekov, Almaty qalasynyń ákimi Baýyrjan Baıbek syndy bedeldi azamattardyń qatysýy josparlanyp otyr.

Kórermender nazaryna Elbasy kitaphanasynyń arhıv, kitap, mýzeı qorlarynyń materıaldary usynylatyn bolady. Olardyń qatarynda shet memleket jáne úkimet basshylarynyń N.Á. Nazarbaevqa tartý etken joǵary memleket nagradalary, Qasıetti Qurandardyń biregeı jınaqtary, memleket basshylary tartý etken qoltańbalyq kitaptar, sondaı-aq N.Á. Nazarbaevtyń álem tilderine aýdarylǵan eńbekteri bar.

Saǵat 14.00-de «Ǵylymı-bilim berý qyzmetindegi ınovasıalyq jumys túrleri» (Qazaqstan Respýblıkasynyń Tuńǵysh Prezıdenti – Elbasy kitaphanasynyń jumys tájirıbesinen) semınary ótedi. Semınar barysynda mýzeı pedagogıkasynyń, jobalyq jumystardyń, qazaqstandyq qoǵamnyń rýhanı jańǵyrýy sheńberindegi bilim berý jáne mádenı-aǵartýshylyq mekemeleri arasyndaǵy ózara qarym-qatynasynyń ózekti máseleleri talqylanady. (Semınardyń ekinshi bólimi – 11 qarasha saǵat 15.00-de Qazaq ulttyq agrarlyq ýnıversıtetinde jalǵasady).

Saǵat 19.00-de Respýblıka saraıynda Elbasy kitaphanasynyń «N.Nazarbaev: dáýir, tulǵa, qoǵam» kóshpeli kórme jobasynyń ashylýyna oraı Qazaqstan Respýblıkasy Memlekettik kúzet qyzmeti Prezıdenttik orkestriniń eseptik konserti ótedi.

Qazaqstan Respýblıkasynyń Memlekettik ortalyq mýzeıinde 11 qarasha saǵat 10.00-de «Qazaqstan Respýblıkasynyń Tuńǵysh Prezıdenti – Elbasy kitaphanasy: memlekettik basqarý strategıasy jáne kóshbasshy fenomeni» halyqaralyq ǵylymı-tájirıbelik konferensıasy óz jumysyn bastaıdy.

«N. Nazarbaev: dáýir, tulǵa, qoǵam» kórmesi 2018 jyldyń 14 qańtaryna deıin jumys jasaıdy.

11 qarasha saǵat 15.00-de osy alańda «Rýhanı sanany jańǵyrtýdaǵy mýzeıdiń, arhıvtiń, kitaphananyń róli» ǵylymı-tájirıbelik semınary jáne «Rýhanı sanany jańǵyrtý: kitaphana jáne arhıv qyzmetteriniń ózekti máseleleri» dóńgelek ústeli ótedi.

Bilim berý jáne mádenı-aǵartýshylyq salasynda jastarmen jumys jasaýdyń jańa tehnologıalary Abaı atyndaǵy Qazaq ulttyq pedagogıkalyq ýnıversıtetinde jáne Qazaq ulttyq agrarlyq ýnıversıtetinde 13 qarasha kúni saǵat 10.00-de jáne 15.00-de ótetin «Qazaqstan joly: «Máńgilik El» semınar-trenınginiń barysynda usynylady. Semınar-trenıng Qazaqstan Respýblıkasynyń Tuńǵysh Prezıdenti – Elbasy kitaphanasyndaǵy bilim berý jobasynyń quramdyq bóligi. Ol «Máńgilik El» ulttyq ıdeıasynyń aıasynda qurylyp, «Kóshbasshy álemi» modelin, Memleket basshysynyń saıasat pen basqarýdaǵy oń tájirıbesin ashyp qana qoımaı, qazaq memlekettiliginiń negizin qalaǵan Qazaqstan Respýblıkasynyń Tuńǵysh Prezıdenti N. Nazarbaevtyń tulǵalyq qyrlaryn kórsetedi.

10–16 qarasha aralyǵynda Qazaqstan Respýblıkasynyń Memlekettik ortalyq mýzeıinde jáne Almaty qalasynyń joǵary oqý oryndarynda josparlanǵan ǵylymı-bilim berý jáne mádenı-aǵartýshylyq aýqymdy sharalarynyń qatarynda 14 qarashada Qazaq ulttyq agrarlyq ýnıversıtetinde «Rýhanı jańǵyrý: jastar kózqarasy» halyqaralyq ǵylymı-tájirıbelik konferensıasy ótedi.

16 qarasha saǵat 10.00-de Ál-Farabı atyndaǵy Qazaq ulttyq ýnıversıtetinde «Nazarbaev modeli» halyqaralyq ǵylymı-tájirıbelik konferensıasy ótedi, saǵat 12.00-de dárister men ınteraktıvti pikirtalas túrinde ázirlengen «Nazarbaev modeli» kitabynyń tusaýkeseri bolady. Sonymen qatar, N.Á. Nazarbaevtyń ómiri men qyzmetine arnalǵan sheteldik jáne otandyq avtorlardyń álemniń birneshe tilderinde jaryq kórgen kitaptary usynylatyn «Álem qadirlegen Elbasy» kitap kórmesi uıymdastyrylady.

Elbasy kitaphanasy jobalarynyń is-sharalaryna Almaty qalasy ákimshiliginiń ókilderi, joǵary oqý oryndarynyń rektorlary, ǵylymı-zertteý ınstıtýttary men ortalyqtarynyń basshylary, ǵalymdar, saıasattanýshylar, t.b. qatysady. Almatydaǵy eki aı jumystyń kóshpeli jobasy aıasynda sarapshylar qaýymdastyǵy, ǵalymdar, mádenıet jáne bilim berý salalary mamandarynyń kezdesýi ótedi.

Kórmeniń barlyq jumys kúnderi ońtústik astanamyzdyń turǵyndary men qonaqtary taqyryptyq jáne sholý ekskýrsıalaryn tyńdap, Elbasy kitaphanasy qyzmetiniń baǵyttarymen jan-jaqty tanysa alady.