Búgin  QR Mádenıet jáne sport mınıstrligi Tilderdi damytý jáne qoǵamdyq-saıası jumys komıteti «Sh.Shaıahmetov atyndaǵy Tilderdi damytýdyń respýblıkalyq úılestirý-ádistemelik ortalyǵynyń» uıymdastyrýymen Slaván jazbalary men mádenıeti kúnine arnalǵan dóńgelek ústel otyrysy óz jumysyn bastady.

Qalyptasqan dástúr boıynsha Qazaqstan halqy slaván jazbalary men mádenıeti kúnderin jyl saıyn 24 mamyr kúni atap ótedi.  Sharaǵa baılanysty respýblıkanyń kóptegen aımaqtarynda dóńgelek ústel, konferensıa, konsert, kitap kórmesi, ártúrli baıqaýlar men vıktorınalar uıymdastyrylady.

Osyǵan oraı, Qazaqstan Respýblıkasy Mádenıet jáne sport mınıstrligi Tilderdi damytý jáne qoǵamdyq-saıası jumys komıteti Astanadaǵy Reseı ǵylym jáne mádenıet ortalyǵynda búgin  saǵat 10:00-de «Ǵasyrlar toǵysyndaǵy slaván jáne túrki halyqtary: tili, mádenıeti, jazbalary» taqyrybynda halyqaralyq «dóńgelek ústel» ótkizýde.

Dóńgelek ústeldiń maqsaty – ǵasyrlar toǵysyndaǵy slaván jáne túrki halyqtarynyń tyǵyz qarym-qatynasy, orys jáne basqa da slaván tilderin úıretý salasynda qalyptasqan tájirıbe almasýlar men Qazaqstannyń etnomádenı keńistiginde slaván tilderin saqtaý men damytýdyń túrli aspektileri tóńiregindegi pikir almasýlar bolyp otyr.

Dóńgelek ústel otyrysynda qazaqstandyq jáne sheteldik jetekshi ǵalymdardyń slaván jazbalary jaıyndaǵy zertteýleri, áleýmettaný, lıngvomádenıet, aýdarma salasyndaǵy baıandamalary ortaǵa salynbaqshy.

Dóńgelek ústel jumysyna QR Mádenıet jáne sport vıse-mınıstri M.A.Ázilhanov, Reseıdiń Qazaqstandaǵy Tótenshe jáne ókiletti elshisi M.N.Bocharnıkov, Belarýsányń Qazaqstandaǵy Tótenshe jáne ókiletti elshisi A.Nıchkasov, Qazaqstan halqy Assambleıasynyń tóraǵasynyń orynbasary O.G.Dymov, «Ýkraїnski novını» gazetiniń bas redaktory T.A.Chernegı jáne t.b. qatysýda.

Dóńgelek ústel aıasynda slaván fılologıasynyń oqý-ádistemelik oqýlyqtary boıynsha kórme ótýde.