Myńdaǵan fılıppındik qarsylylyq tanytýshylar búgin Manılada Tramptyń jasandy sulbasyna Adolf Gıtlershe murt qoıyp, svastıkanyń belgisin taǵyp, ony kópshiliktiń ortasynda órtke orady,- dep Qamshy.kz aqparat agenttigi Mirror basylymyna súıene otyryp jazady.

4 metrlik Donald Tramptyń sulbasy bar portret AQSH Prezıdentiniń Fılıppınge kelgen is-sapary kezinde jasaldy. Tártipsizdikti rettemek bolǵan polısıa qyzmetkerleri birshama qarsylyq tanytýshylardy jaraqattap, olardy kósheden bloktap tastady.

Tramptyń úlken sýreti bar plakatty órtegenderdiń qatarynda bolǵan, belsendi Renato Reıes: «Bizdiń maqsatymyz Fılıppın Prezıdenti Rodrıgo Dýterte men AQSH Prezıdenti Donald Tramptyń arasyndaǵy ekijaqty kezdesýdi boldyrmaý. Óıtkeni bul kezdesý Fılıppın halqy úshin eshqandaı paıda ákelmeıdi»,-dedi.

Jınalǵan top AQSH elshiligine tap bermek boldy, olarǵa órt kóliginen sý shashyldy. Qarsylyq bildirýshiler tarqatylǵannan soń, 18 jastaǵy Aleksıs Dandeı bylaı dedi: «Tramp ımperıalıs AQSH-tyń basshysy, Fılıpın men AQSH arasyndaǵy seriktestiktiń birjaqty jáne ádiletsiz bolatyndyǵyna biz senimdimiz»,- dedi. Vıdeony kórý úshin myna tvıt arqyly ótińiz: 

Trump dressed as Hitler burnt on stake in Philippines https://t.co/OvQ9R05Fo5

— Qamshy AA (@qamshy) November 13, 2017

Eske sala keteıik, AQSH Prezıdenti Manılaǵa Ońtústik-SHyǵys Azıa halyqtarynyń 50 jyldyq mereıtoıyn atap ótý sharasyna oraı kelgen bolatyn.