Almaty ákimi Baýyrjan Baıbek quramyna halyqaralyq qarjy uıymdarynyń, sheteldik kompanıalar asosıasıalarynyń, konsaltıńtik jáne zań kompanıalarynyń ókilderi, iri sheteldik jáne qazaqstandyq kásipkerler engen ınvestorlar tartý men ınvestısıalyq ahýaldy jaqsartý jónindegi Keńestiń otyrysyn ótkizdi. Jıyn barysynda 2022 jylǵa deıin ınvestısıa tartý Strategıasynyń jobasy talqylandy. Qujat Ulttyq ınvestısıalyq strategıa men «Almaty-2020» damý Baǵdarlamasyna saı jasalǵan.

Investısıa tartý salasyndaǵy atqarylǵan birqatar jumystardy qorytyndylaı kelip, qala ákiminiń orynbasary Almas Mádıev bıylǵy jyldyń 9 aıy ishinde ınvestısıanyń 13%-ǵa ósip, 400 mlrd. teńgeni quraǵanyn, syrtqy ınvestısıanyń 23,5%-ǵa artqanyn, jeke ınvestısıalar úlesiniń 78%-ǵa jetip, 17%-ǵa ulǵaıǵanyn aıtty.

«Bıznesti damytýdyń basty sharty - turaqty ınfraqurylymdy qalyptastyrý. Osy oraıda Almatyda Indýstrıaldy aımaq jumys isteıdi, munda óńdeýshi óndiris oryndary jeńildetilgen daıyn ınfraqurylymdardy paıdalana alady. Joǵary tehnologıaly kompanıalar úshin «Inovasıalyq tehnologıa parkiniń arnaıy ekonomıkalyq aımǵay bar, munda rezıdentterge kedendik jáne salyqtyq jeńildikter beriledi. Almatyda SHOB-ke jeńildetilgen nesıe berý baǵdarlamasy boıynsha myńdaǵan jobalar qoldaý tabýda. Indýstrıalandyrý Kartasyna 12 myń jumys ornyn ashatyn 100 joba engen. Sonymen qatar qalanyń ınvestısıalyq tartymdylyǵyn jaqsartatyn strategıa da jasaldy», - dep atap ótti A.Mádıev.

Júrgizilgen zertteýdiń nátıjesi boıynsha úsh salaǵa ınvestısıa tartý tartymdy ekeni anyqtaldy, olar - týrızm, saýda, tamaq ónerkásibi. Investısıa máselesin sheshýde naryq aýqymy, jumys kúshi, qaýipsizdik pen ashyqtyq basty faktorlar bolyp tabylady.

Investısıa tartýdyń Strategıasy tórt baǵytty qamtıdy, olar: «Instıtýsıonaldy ortanyń sapasyn arttyrý», «Bıznes- ınfraqurylymnyń sapasyn arttyrý», «Imıjdik jyljý jáne aqparattyq qoldaý» jáne «Aktıvti jobaly targetteý jolymen negizgi salalarǵa ınvestısıa tartý».

«Almaty qalasynda jaqsy ınvestısıalyq ahýaldy qalyptastyrý jáne ınvestorlarmen, bıznesmendermen ashyq ári jaqsy qarym- qatynas ornatý- barynsha mańyzdy. Olardyń árqaısysy ózderiniń shtab- páterleriniń elshisi retinde álemdegi seriktesteri týraly jınaqtaǵan tájirıbelerin ortaǵa salady. Biz kez- kelgen bastamaǵa qoldaý kórsetemiz, utymdy sheshimder qabyldaý úshin túrli kezdesýlerdi, dıalogty quptaımyz», - dedi Qazaqstannyń Evropalyq Bıznes Asosıasıasynyń atqarýshy dırektory Iýlıa Kýsıdı.

Jıyn qorytynydysy boıynsha Keńes músheleri aıtqan usynystar men, tolyqtyrýlar engizilgen Almatyǵa 2020 jylǵa deıin ınvestısıa tartýdyń Strategıasy bekitildi.

Eske salsaq, Keńsetiń quramyna Memleket basshysynyń tapsyrmasy boıynsha halyqaralyq qarjy uıymdarynyń, sheteldik kompanıalar asosıasıalarynyń, konsaltıńtik jáne zań kompanıalarynyń ókilderi, iri sheteldik jáne qazaqstandyq kásipkerler engen. Olardyń qatarynda Kaspıı óńiri boıynsha «Deloitte» kompanıasynyń basqarýshy serkitesi Mark Smıt, Qazaqatandaǵy Azıa Damý banki ókildiginiń dırektory Djovannı Kapannellı, «Astana Group» holdıńiniń dırektory Nurlan Smaǵulov jáne basqalary bar.