Naýryzbaı aýdanynda jańa ınjenerlik jelilerdiń iske qosylýy arqasynda «Alty alash», «Qalqaman-2» eldi mekenderindińi jeke sektoryndaǵy 5 myń úı men «Qalqaman-3» yqsham aýdanyndaǵy 30 myńǵa jýyq turǵyn taza aýyz sýǵa ıe boldy.

«Ár úıge taza sýyq sý jańa qubyrlar arqyly berilýde. Úı ıeleri ortalyqtandyrylǵan sý jelisin paıdalaný úshin sý bólgishke qosylýy jáne«Almaty sý» MKK- men tıisti kelisim jasaýlary qajet»-, dedi Almaty qalasynyń Energetıka jánk komýnaldy sharýashylyq basqarmasyndaǵylar.

Buǵan deıin atalǵan eldi mekenderdiń turǵyndary tehnıkalyq talaptar saqtalmaǵan jeke sý skvajınalaryn jáne qoldan jasalǵan sý jelilerin paıdalanyp kelgen edi. Sonyń saldarynan apattar jıi bolatyn, al jaz aılarynda sýdy kóp tutynatyndyqtan qysym tómendep ketetin.

Keleńsiz jaıttardyń aldyn alý jáne sýyq sýmen turǵyndardy turaqty qamtamasyz etý úshin jańa jelilerde nasosty stansıalardyń qýaty arttyryldy.

Ortalyq sý jelisine qosylý «Qalqaman-3» yqsham aýdanynan bastaldy, qazirgi kezde munda 560 jeke úı taza sýyq sýdy paıdalanýda. Endigi kezekte «Alty Alash», «Qalqaman-2» yqsham aýdandary.

«Almaty sý» MKK 4 myńǵa jýyq úı ıeleriniń ortalyqtanǵan sý jelisine qosylý úshin qujattar tapsyrǵanyn aıtty.

Bir aı ishinde barlyq tutynýshylardyń qujattary toltyrylady jáne olar jańa jelige qosylady.

Memlekettik búdjet esebinen 209 km jańa sý jelileriniń jáne kárizdiń qubyrlary júrgizildi, sonyń arqasynda eldi mekenderdi ortalyqtanǵan sýmen qamtamasyz etý júzege asyp otyr.