Almatyda adam quqyqtary jónindegi qazaqstandyq búro keńsesinde opozısıalyq saıasatker Serikbolsyn Ábdildınniń «Ustaz» atty kitabynyń tusaýkeseri ótti. Kitap saıasatkerdiń 80 jasqa tolýyna oraı shyǵarylǵan. Kitapta Serikbolsyn Ábdildınniń kásibı maman bolyp qalyptasýy, BAQ betterine jarıalanǵan jer, aýyl sharýashylyǵy máselelerine qatysty oılary men suhbattary berilgen,-dep jazady Qamshy.kz aqparat agenttigi. 

Kitapty tanystyrý sharasyna avtordyń ózi, opozısıalyq saıasatker Vladımır Kozlov, quqyq qorǵaýshy ári jýrnalıs Andreı Svırıdov, kitapty qurastyrǵan jýrnalıser Ermurat Bápı, Baqytgúl Mákimbaı qatysty.

Budan buryn da saıasatker jáne ustaz Serikbolsyn Ábdildınniń 40-tan asa eńbegi jaryq kórgen. Ustazdyń aıtýynsha, kitap shyǵarýǵa ketken qarjynyń barlyǵyn sheteldik saıystarǵa qatysa otyryp, ózi utyp alyp otyrǵan. Usynǵan bıznes jobalardyń barlyǵy derlik sátti shyqqanyna qýanatynyn aıtty. Onyń ishinde, stýdentterge arnalǵan oqýlyqtar men basqa da ózekti saıası oqıǵalarǵa baılanysty kitaptary shyqqan.

Bıyl seksenniń seńgirine shyqqan aqsaqal áli de óte shymyr, bos ýaqytynda júzýmen aınalysady. 

Tanystyrýda Ábdildın óziniń 30 jyldan astam ýaqyt ustazdyqpen aınalysqanyn, bul kitap sonyń sol qyzmetiniń qorytyndysy ispettes ekenin aıtty.

Serikbolsyn Ábdildın 1937 jyly dúnıege kelgen. Ol qoǵam qaıratkeri, ekonomıka ǵylymdarynyń doktory jáne profesor.

Serikbolsyn Ábdildın ózi jaıynda... pic.twitter.com/Qb1ZR8It7D

— Pulatova Zamyra (@PZamyra) November 13, 2017

1982-1985 jyldar aralyǵynda Qazaq KSR Aýyl sharýashylyǵy mınıstriniń birinshi orynbasary bolǵan. Al 1985 jyly AÓK-ni basqarý jónindegi Respýblıkalyq Joǵary mekteptiń rektory, 1986-1987 jyldary Qazaqstan Aýyl sharýashylyǵy mınıstri, 1990-1995 j. aralyǵynda Qazaq KSR Joǵary Keńesiniń Tóraǵasy laýazymyn atqarǵan. Qazirgi kezde Qazaq ulttyq agrarlyq ýnıversıtetinde ustaz bolyp qyzmet etip júr.