Aqmola oblysynyń isker áıelder qaýymdastyǵy Aqmola oblysy ishki saıasat basqarmasynyń «Múgedektigi bar balalar men eresekter arasynda jumys isteý júıesin qoǵamǵa belsendi beıimdeý maqsatyn uıymdastyrý» jobasynyń sheńberinde múmkindigi shekteýli balalar men olardyń ata-analaryna arnalǵan shyǵarmashylyq semınar ótkizdi, dep habarlaıdy Qamshy.kz aqparat agenttigi Aqmola oblysy ishki saıasat basqarmasynyń Óńirlik komýnıkasıalar qyzmetine súıenip.
Semınardyń basty maqsaty ata-anasynyń kómegi arqyly balanyń jeke shyǵarmashylyq qasıetterin damytý, motorıkany, motorlyq qyzmetti damytý.
10 qarashada Aqmola oblysynyń Astrahan kentinde arnaıy balalarmen jáne 18 jastan asqan jandarmen kezdesý ótti. Balalar analarymen birge jáne óz betimen, muǵalimder men oqytýshylardyń kómegi arqyly jańa jyldyq shyrshaǵa ádemi áshekeıler jasady. Balalar tústerdi qaıtalady, túrli materıaldarmen tanysyp, damytýǵa arnalǵan jattyǵýlar jasady, top bolyp ta jumys istedi.
Balalar shyǵarmashylyq jumystarymen aınalysqanda, olardyń ata-analary áleýmettik problemalardyń ózektiligi boıynsha zertteýge arnalǵan arnaıy saýalnamany toltyrdy. Sondaı-aq, olarǵa keńes berilip, qaýymdastyqtyń qaıyrymdylyq qyzmeti týraly tanystyryldy.
