Shymkent qalasynda  14-16 qarasha aralyǵynda «Ontustik Tourism. Invest 2017» atty halyqaralyq týrısik-ınvestısıalyq forým ótedi. İs-shara «Qazaqstan aýmaǵyndaǵy Uly Jibek joly boıynsha saıahat» festıvali sheńberinde uıymdastyrylyp otyr, dep habarlaıdy Qamshy.kz aqparat agenttigi. 

Bul týraly OQO óńirlik komýnıkasıalar qyzmetinde ótken brıfıńte oblystyq kásipkerlik, ındýstrıaldy-ınnovasıalyq damý jáne týrızm basqarmasynyń basshysy Batyrhan Qurmanseıit málimdedi.

Basqarma basshysynyń aıtýynsha, atalǵan festıvál Almaty qalasynda bastaý alyp, Jambyl oblysynda jalǵasyn taýyp otyr. Odan keıin Ońtústik Qazaqstan oblysynda aıaqtalatyn bolady.

Sonymen qatar, Batyrhan Qurmanseıit  forýmnyń negizgi maqsatymen de tanystyryp ótti. Elimizdegi týrısik salany damytý men Ońtústik Qazaqstan oblysynyń ınvestısıalyq múmkindikterin tanystyrý, ınvestısıa tartýǵa qolaıly jaǵdaı jasaý ekenin tilge tıek etti.

Sharaǵa 300-ge jýyq adam qatysatynyn da atap ótti. Olardyń ishinde  Qytaıdyń týrızm boıynsha vıse-mınıstri, Qazaqstannyń mádenıet jáne sport vıse-mınıstri, týrızm ındýstrıasy komıtetiniń tóraıymy, «Kazakh tourism» ulttyq kompanıasynyń tóraǵasy, «Atameken» UKP ókilderi, sonymen qatar, alys jáne jaqyn shet memleketterdiń týrızm salasynyń kásibı mamandary, týrısik uıymdar, ınvestısıalyq kompanıa ókilderi bolady. 

Aıta ketetini, forýmǵa Qytaıdyń týrısik uıymdary  qyzyǵýshylyq tanytyp otyr. Jalpy Ońtústik Qazaqstan oblysyna bıylǵy 6 aıdyń qorytyndysy boıynsha 128 myń týrıs kelgen. Bul kórsetkish byltyrmen salystyrǵanda 55 paıyzǵa artyp otyr.